Ibinahagi ni Sen. Ronald “Bato” dela Rosa ang ilang larawan kasama ang kaniya raw spiritual adviser.
Sa kaniyang Facebook post nitong Huwebes, Nobyembre 13, 2025, kalakip ng nasabing mga larawan, iginiit ni Dela Rosa ang kahalagahan daw ng pagsangguni sa spiritual adviser sa ganitong panahon.
“My first personal encounter though I’ve been following him for a while already, with Father Cianno Ubod of Compostela Parish Church, Cebu. Times like these, we need to seek some guidance from our spiritual adviser. Thank you Father Ciano,” ani Dela Rosa.
Matatandaang kasalukuyang umuugong ang umano’y arrest warrant ng International Criminal Court (ICC) kaugnay ng kaniyang pagkasangkot sa madugong kampanya kontra droga ni dating Pangulong Rodrigo Duterte.
'Di kami namimilit!' Mga Duterte, nananatili hangga't gusto ng tao—FPRRD
KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD
Samantala, bukod sa pagkakaroon ng spiritual adviser, ibinahagi rin ni Dela Resa ang isa pang larawan hawak ang kaniya raw patron saint na Santo Niño.
“My patron saint, my ka-birthday always in January. Viva Pit Senior Santo Niño!” saad ni Dela Rosa.
