Pinabulaanan ni Sen. Ping Lacson ang mga naging pahayag ni Sen. Imee Marcos hinggil sa umano’y nakatakdang pagdalo raw ni dating Ako Bicol Partylist Rep. Elizaldy Co sa pagdinig ng Senate Blue Ribbon Committee sa Huwebes, Nobyembre 14, 2025, sa pamamagitan ng video conferencing.
Sa panayam ng media kay Lacson nitong Huwebes, Nobyembre 13, nilinaw ni Lacson na hindi niya itinuloy ang paunang balak na dumalo si Co pagdinig ng Senado sa pamamagitan ng Zoom.
“I didn’t push through with the initial plan to invite (Zaldy Co) via Zoom,” saad ni Lacson.
Dagdag pa niya, “On second thought, the hearing might afford him a platform to say anything he wants even with no probative value and worse for propaganda purposes only without any accountability for at least possible contempt citation.”
Sen. Bato, masayang nakita ang apo
Matatandaang nitong Huwebes din nang igiit ni Sen. Imee na si Zaldy Co na raw ang papalit kay dating House Speaker Martin Romualdez bilang (Very Important Person) VIP witness ng Senado.
“At ang ating VIP, hindi na star witness kasi ‘di na aappear ang dating House Speaker, kundi ang darating daw eh si Zaldy Co on Zoom. Yun ang latest na balita baka magbago pa, tignan natin baka magbago pa. Panoorin ninyo at alam naman nating lahat, niloloko lang tayo,” saad ni Sen. Imee.
KAUGNAY NA BALITA: 'Present via Zoom!' Zaldy Co, sisiputin na Senate hearing—Sen. Imee
