Umalma ang ilang personalidad patungkol sa mga umano’y kurakot na hanggang ngayon ay hindi pa rin nakukulong at nakakasuhan.
Kaugnay ito sa malawakang baha, pagkasira ng mga bahay, at ang pagkamatay ng ilang mga hayop at residente, dulot ng hagupit ni Bagyong Tino kamakailan sa iba’t ibang lalawigan sa Visayas at Mindanao.
Sa kaniya-kaniyang social media accounts, ibinahagi ng mga celebrities ang kanilang pagkadismaya ukol sa nasabing isyu.
Sa Instagram story na ibinahagi ng Kapamilya actress na si Kim Chiu, mababasang nananawagan siya na sana’y marinig sila ng mga mambabatas. Aniya, hindi na lang daw tao ang sumisigaw, pati na rin ang kalikasan.
“Harap-harapan ang pagnanakaw, harap-harapan din ang paghihirap ng taumbayan. Libo-libong pamilya ang nagugutom habang ang ilan, patuloy sa pangungurakot,” ani Kim.
“Sa mga mambabatas, please hear us! Hindi lang tao ang sumisigaw, Mother Nature na mismo ang nagpapakita ng mga pagkakamali ninyo,” pagpapatuloy niya.
“Mga baha, init, lindol—mga paalala na may hangganan ang lahat. Nasaan ang konsensya ninyo? Pilipino pa ba kayo?”
Photo courtesy: chinitaprincess/IG
Mababasa naman sa X posts nina Kapamilya host Bianca Gonzalez, aktor na si Romnick Sarmenta, at dating volleyball star na ngayon’y TV presenter na si Gretchen Ho, ang kanilang mga hinaing patungkol sa nagdaang kalamidad.
“Wala pa ring nakukulong na kurakot? CORRUPTION, NEGLIGENCE, SUBSTANDARD WORK KILLS,” ani Bianca.
Photo courtesy: Bianca Gonzalez/X
“Deforestation. Mining. “Development for residential areas” - these are the reasons you need flood control. So the problem doesn’t begin and stop at DPWH projects. It begins with greed. That would include ALL corrupt officials in every level. La pang nakakasuhan?” giit ni Romnick.
Photo courtesy: Romnick Sarmenta/X
“The silver lining to this is that with every disaster that comes, we get reminded of the egregious corruption that underlines these catastrophies. And it isn’t the kind of corruption that’s easy to shake off nor difficult to imagine, in fact it’s so close to the gut, felt on our everyday commute, and even more made visceral by images of ravaged communities and displaced families. Perhaps the notorious Filipino short-term memory has finally found its match,” saad ni Gretchen.
Photo courtesy: Gretchen Ho/X
Matatandaang patuloy ang pagkalampag ng mga personalidad at celebrities upang mapanagot ang umano’y mga kurakot hinggil sa anomalya at iregularidad ng ilang flood control projects sa iba’t ibang bahagi ng bansa.
KAUGNAY NA BALITA: 'Sana sa efficient public transport napupunta bilyong buwis kaysa sa ghost flood control projects!'—Bianca Gonzalez-Balita
KAUGNAY NA BALITA: Sarah Geronimo, umalma sa panloloko sa bansa: 'Tama na!’-Balita
Vincent Gutierrez/BALITA
