Nagkomento si Cavite 4th district Rep. Kiko Barzaga hinggil sa kautusan ni Pangulong Ferdinand “Bongbong” Marcos, Jr., sa mas simpleng paggsasagawa ng Christmas party ng mga opisina ng gobyerno.
Sa kaniyang Facebook post nitong Miyerkules, Nobyembre 5, 2025, nabanggit ni Barzaga ang kilalang Kpop girl group na BLACKPINK na tila imbitado umano sa Palasyo na may kaugnayan sa Christmas party.
“Simpleng handaan lang ang LGU sa pasko, tapos si Marcos may BlackPink sa Malacañang?” ani Barzaga.
Saad pa niya, “Wala na talagang pag-asa ang Pilipinas.”
Sen. Bato, masayang nakita ang apo
Samantala, mabilis namang bumaha ng reaksiyon mula sa netizens ang nasabing FB post ni Barzaga.
“Ibig sabhin after Ng concert sa Philippine arena mag stay ang black pink.”
“Seriously???? Black Pink?????”
“HAHAHAHAHAA SERIOUSLY????? HANEP”
“Ibang Lisa pa hanap hahahahaha”
“Sinolo na yung apat sa Palasyo.”
“Baki nga naman makikipag-agawan sa ticket kung pwede namang imbitahan sa Palasyo!”
Nakatakdang bumalik ng Pilipinas ang BLACKPINK sa Nobyembre 22 hanggang Nobyembre 23 para sa kanilang DEADLINE World tour.
