Itinutulak ngayon ni Sen. Erwin Tulfo ang isang panukalang batas na naglalayong alisin ang ipinapataw na travel tax sa lahat ng Pilipinong aalis ng bansa.

Sa kaniyang Senate Bill No. 1409, sinabi ni Tulfo na ang kasalukuyang travel tax ay hadlang sa karapatan ng mga Pilipino na makapaglakbay.

“Nearly 14 years since the Philippines signed the ASEAN Tourism Agreement, we still impose this travel tax,” ani Tulfo.

Layunin ng SB 1409 na tuluyang tanggalin ang travel tax, alinsunod sa ASEAN Tourism Agreement na nilagdaan ng Pilipinas noong 2002.

Sen. Bato, masayang nakita ang apo

Batay sa kasalukuyang sistema ng pangongolekta ng travel tax sa ilalim ng Republic Act No. 1478 (Tourism Board Law), 50 porsiyento ng nalilikom ay napupunta sa Tourism Infrastructure and Enterprise Zone Authority (TIEZA).

Samantala, 40 porsiyento ay inilaan ng Republic Act No. 7722 (Higher Education Act) sa Commission on Higher Education (CHED), at ang natitirang 10 porsiyento naman ay napupunta sa National Commission for Culture and the Arts (NCCA) sa ilalim ng Republic Act No. 9593 (Tourism Act of 2009).

Sa kasalukuyan, ang travel tax rates ay nasa pagitan ng ₱1,620 hanggang ₱2,700 para sa economy hanggang first-class passage.

Ang Standard Reduced Rate ay mula ₱810 hanggang ₱1,350, habang ang Privileged Reduced Rate para sa mga dependents ng Overseas Filipino Workers (OFWs) ay nasa ₱300 hanggang ₱400.

“If we really want to improve the country’s tourism sector and be at par with our neighboring Southeast Asian countries, we have to remove these barriers that disempower Filipinos to travel,” anang senador.

Saad pa niya, “Filipinos deserve a better travel experience that could render not only good memories but also better expose them to various cultures around the world.”