Maraming beses nang napanood sa mga pelikula at teleserye ang mga tarot cards na tila may kaakibat na sumpa sa kapalaran ng isang nagpapahula.

May mga pangilan-ngilang tarot cards na tila bagama’t hindi lubos na nauunawaan, ay maraming pakahulugan na ang idinikit dito dahil sa mga karakter nito—partikular na ang death card

Sa eksklusibong panayam ng Balita, nagbigay-linaw ang isang tarot card reader hinggil sa kahulugan ng pinangingilagang death card sa tarot reading.

Ayon kay Precious “Prei” Capanan, nilinaw niya ang malaking kabaligtaran daw ng kahulugan ng death card sa buhay ng isang tao.

BALITAkutan

ALAMIN: Ang paglaya ni Clarita Villanueva mula sa pagsapi ng mga demonyo

“I always get that. Contrary to how it sounds, hindi siya necessarily a bad card. The death card means transformation and new beginnings,” ani Prei.

Saad pa niya, nangangahulugan din daw ito para sa isang pagtatapos at bagong simula.

“So when you see it in your readings, it means something has to end or something has to start. And usually it connects to good things talaga,” saad ni Prei.

Paglilinaw pa niya, “I always remind our clients talaga na lang din na there may be some cards na look scary but it doesn’t necessarily mean na it’s bad.”

Malimit mang kinatatakutan sa mga palabas sa telebisyon o internet, saad ni Prei, wala raw dapat katakutan sa tarot reading.

“There’s nothing to be scared about when you read tarot cards. There may be different cards na ‘pag nakita mo… like the devil, death card. Minsan kapag nakita talaga siya ng people, they react, a sort of sometimes negative. Kasi the card looks scary talaga,” giit ni Prei.

Aniya, “But to be honest, the meaning of it is very positive so I wouldn’t say na there’s something to be scared of talaga.”

Binasag din niya ang ilang misconception sa tarot reading katulad na lamang ng nosyon na ito ay isang Satanic.

“This is one of the most misconceptions about tarot reading. I completely understand kung bakit naman. Kasi it can look a bit mysterious and intimidating at times, pero hindi naman po siya Satanic. 

Saad pa ni Prei, "Kasi tarot is more connected to spirituality and self-reflection. And its a tool that helps us understand our emotions, life patterns, better."

Para sa mga nagnanais na sumubok sa tarot reading, maaaring bisitahin ang opisyal na Facebook page ni Prei na, Beyond Senses Tarot Reading Services.