Nagbigay ng pahayag ang Bureau of Costums (BOC) kaugnay sa umano’y aabuting halagang makukolekta ng 13 luxury cars nina Sarah at Curlee Discaya sa public auction na kanilang isasagawa.
Ayon sa isinagawang press briefing ni Atty. Chris Noel Bendijo ng BOC nitong Huwebes, Oktubre 30, sinabi niyang aabot daw sa ₱200 milyon ang halaga ng mga nasabing ibebentang sasakyan na nakumpiska sa mga Discaya.
“The total amount for the thirteen (13) [luxury cars] would be 200 million conservatively,” pagsisimula niya.
Inisa-isa rin ni Bendijo ang mga makakasamang sasakyang ibebenta sa nasabing auction.
Truly blessed! VP Sara, thankful sa mga DDS na alam ang paninira at katotohanan
“I don’t recall all seven but definitely the Rolls-Royce is there, the Bentley Bentayga is there also, kung hindi ako nagkakamali [ay] may Tundra doon, but the most expensive one is the Rolls Royce,” aniya.
Pagpapatuloy ni Bendijo, tinitingnan nila kung maisasagawa ang nasabing auction ng BOC sa darating na Nobyembre 15, 2025.
“The Commissioner is targeting November 15. But we were told earlier that we will be coordinating with PCO as well,” paglilinaw niya.
Dagdag pa ni Bendijo, hindi raw basta simpleng auction ang kanilang isasagawa, bagkus para rin iyon sa mamamayang Pilipino.
“We understand the relevance of this. This is not a simple auction, we understand that this is symbolic on the part of parang healing or restitution. It can be part of at least the Filipino people recovering what was ill-gotten wealth stolen,” pagtatapos pa niya.
Matatandaang nakumpiska na ng BOC ang 13 luxury cars ng Pamilya Discaya noong Setyembre 2, 2025.
MAKI-BALITA: Customs, nakumpiska na 12 luxury cars ng Pamilya Discaya
Kasunod ito ng isinagawang search operation ng BOC noon sa St. Gerrard Construction General Contractor and Development Corp. sa Pasig City.
“May nakita kaming dalawang units right now. ‘Yong Land Cruiser at Maserati Levante ‘Yong iba, hindi namin nahanap. Wala po kaming makita rito,” saad noon ni BOC Chief of Staff Atty. Jek Casipit sa isang panayam.
Ang 12 luxury cars na hinahanap nila ay wala raw record sa ahensya kung kaya ito ay inimbestigahan.
Gayunpaman, kinumpirma na ng ahensya na nakumpiska na nila ang 10 pang luxury cars.
MAKI-BALITA: ‘Bye-bye na?' 13 luxury cars ng mga Discaya, ipapa-auction na ng BOC
MAKI-BALITA: BOC, pinasok construction firm ng mga Discaya para maghain ng search warrant vs luxury cars
MAKI-BALITA: Customs, nakumpiska na 12 luxury cars ng Pamilya Discaya
Mc Vincent Mirabuna/Balita
