Pinadalhan ulit ng bagong subpoena mula sa Independent Commission for Infrastructure (ICI) si dating Ako Bicol Party-list Rep. Zaldy Co kaugnay sa pagkakasangkot niya sa maanomalyang flood control projects.

Ayon sa mga ulat nitong Martes, Oktubre 28, kinumpirma ni ICI executive director Brian Keith Hosaka ang pagpapadala nila ng subpoena sa tirahan ni Co sa Pasig at Bicol noong Oktubre 20.

“We’re just awaiting the reports coming from the one who had served these,” saad ni Hosaka. “Then once we receive these from them, then we will study the matter kung ano ‘yong magiging next action or steps ng ICI.”

Nakatakdang ikasa sa Nobyembre 11 at 12 ang padinig ni Co sa ICI.

Sen. Bato, masayang nakita ang apo

Kasama ni Co sina dating House Speaker Martin Romualdez at Senador Mark Villar sa mga sinabing padadalhan ng subpoena mula sa komisyon.

Maki-Balita: ICI, ipatatawag sina Romualdez, Co, Villar para sa imbestigasyon sa flood-control anomalies

Samantala, pinaniniwalaang wala na umano sa Amerika ang dating kinatawan ng Ako Bicol Party-list

batay sa tala ng U.S. Customs and Border Protection.

Ito ay matapos niyang lumipad palabas ng bansa para umano sa kaukulang medical treatment sa kabila ng kaliwa’t kanang isyu at alegasyong kinakaharap niya.

Maki-Balita: ‘For medical treatment?’ Rep. Elizaldy Co,kumpirmadong nasa labas ng bansa—House Spox