Pinanindigan! ‘Alleged loan issue’ sa pagitan ng Pilipinas at SoKor, 'closed matter' na

Pinanindigan! ‘Alleged loan issue’ sa pagitan ng Pilipinas at SoKor, 'closed matter' na—DFA

Nanindigan ang Department of Foreign Affairs (DFA) na “closed matter” na ang napaulat na “alleged loan issue” kamakailan sa pagitan ng Pilipinas at South Korea.

Kaugnay nito ang paglipad ni Pangulong Ferdinand “Bongbong” Marcos Jr. patungong Gyeongju, South Korea, para sa gaganaping 32nd Asia-Pacific Economic Cooperation (APEC) Summit mula Oktubre 30 hanggang Nobyembre 2.

Inilahad ito ni DFA Spokesperson Angelica Escalona, sa isinagawang press briefing ng kanilang ahensya, kasama ang Malacanang Press Corps (MPC) nitong Martes, Oktubre 28.

“‘Yong isyu na ‘yon, ‘yong sa alleged loan, we consider that a closed matter. The Republic of Korea has issued a clarification on this at sinabi na rin ng Korea, they reassured us of their support for advancing development cooperation with the Philippines,” ani Escalona.

Nang tanungin kung makakaapekto ba ang umano’y malawakang korapsyon sa paghikayat ni PBBM sa mga bagong investors sa bansa, nanindigan si Escalona na hindi umano nila ito nakikita.

“We do not really see it because what is happening now is really an expression of our democracy, what happens in our country, and patuloy din naman ang interest in the Philippines on the economic side,” aniya.

Matatandaang kamakailan ay ipinag-utos ni South Korean President Lee Jae-myung ang pagpapatigil sa pagpapautang sa Pilipinas dahil sa umano’y lumalaganap na korapsyon sa bansa.

“We have ordered the immediate suspension of procedures regarding the project that was deemed a faulty undertaking with potential for corruption,” aniya.

KAUGNAY NA BALITA: SoKor, pinahinto pagpapautang ng ₩700B sa Pinas dahil sa umano’y panganib ng korapsyon-Balita

Agad naman itong pinabulaanan ng Department of Finance (DOF), kung saan sinabi nilang wala umanong inuutang ang Pilipinas sa South Korea.

“As regards to the supposed PHP 28 billion official development assistance (ODA) loan between South Korea and the Philippines, the Department of Finance categorically clarifies that no such loan exists,” anang DOF.

KAUGNAY NA BALITA: DOF, nilinaw na walang inuutang ang Pilipinas sa SoKor-Balita

Vincent Gutierrez/BALITA

Sen. Bato, masayang nakita ang apo

Masaya si Senador Ronald “Bato” Dela Rosa na makita ang minamahal niyang apo. Sa latest Facebook post ni Dela Rosa nitong Biyernes, Disyembre 12, flinex niya ang kaniyang larawan habang karga ang sanggol.“Happy to see you my apo” saad sa caption.Ito ay sa kabila ng umuugong na balitang may naghihintay na arrest warrant laban sa kaniya mula sa International Criminal Court (ICC) dahil sa...

DSWD Sec. Gatchalian, may alok na ₱100K pabuya sa makakapagturo ng salarin sa asong pinutulan ng dila

Nag-anunsyo ng ₱100,000 pabuya ang dating alkalde at kongresista ng Valenzuela City na si Department of Social Welfare and Development (DSWD) Sec. Rex Gatchalian para sa sinumang makapagbibigay ng impormasyon hinggil sa malupit na pag-abuso sa asong si Kobe sa Brgy. Balangkas, Valenzuela City.Ayon sa Philippine Animal Welfare Society (PAWS), personal silang lumapit upang humingi ng tulong...

Para tumaas populasyon: China, lalagyan ng VAT mga condoms, contraceptive pills

Nakatakdang simulan ng China ang pangongolekta ng value-added tax (VAT) sa contraceptive drugs at products sa unang pagkakataon matapos ang mahigit tatlong dekada.Bahagi ito ng hakbang ng pamahalaan na hikayatin ang mga pamilya na magkaroon ng mas maraming anak matapos ang mahabang panahon ng mahigpit na population control.Batay sa bagong batas ng naturang bansa sa value-added tax, ang mga...