Umagapay ang University of the Philippines (UP) sa mga estudyanteng nag-organisa ng kilos-protesta kontra korupsiyon.
Sa inilabas na pahayag ni UP President Angelo Jimenez nitong Lunes, Oktubre 27, sinabi niyang magpapaabot sila ng tulong sa mga estudyante nila partkular kay Joaquin Buenaflor, chairperson ng University Student Council ng UP.
“The University supports its students who exercise their rights within legal and constitutional bounds. We are extending assistance to Mr. Joaquin Buenaflor, Chairperson of the University Student Council of UP Diliman, and other members of our academic community who may be in need of support while exercising their fundamental freedoms,” saad ni Jimenez.
Ayon sa kaniya, bukas ang pamantasan sa pakikipag-ugnayan sa mga ahente ng estado para makamit ang mapayapa at resolusyong naaayon sa batas.
DPWH Sec. Dizon, positibong hindi na mauulit mga dating gawi sa ahensya
Dagdag pa ng UP President, “As the national university, we will continue to defend the rights of our community, to uphold the principles of honor and excellence, and to stand with the Filipino people in the pursuit of truth, justice, and democratic governance."
Matatandaang kinumpirma kamakailan ni Buenaflor na kabilang siya sa mga estudyante inisyuhan ng subpoena mula sa Philippine National Police (PNP) dahil sa pagkakaugnay niya sa ikinasang protesta, partkular noong Setyembre 21.
Maki-Balita: ‘Doon kayo mag-angas sa mga mandarambong!’ Ilang UP student leaders, kinumpirma subpoena sa kanila ng PNP
“Ako po ang pang-apat sa mga lider estudyante na ipina-subpoena ng PNP nitong mga nagdaang linggo,” pagsisimula ni Buenaflor, “dahil dito, may panawagan at hamon ako bilang Chairperson ng UP Diliman University Students Council, bilang iskolar ng bayan at bilang kabataan.”
“Para kay Marcos Jr., at mga kasabwat niya. Magbasa po muna tayo ng history books dahil delulu po kayo lahat para isipin na magagawa n’yo pong patahimikin, by a subpoena, kaming mga kabataan,” dugtong pa niya.
