Handa nang ipa-deploy ng Philippine National Police (PNP) ang higit 30,000 pulis sa iba’t ibang panig ng bansa mula Oktubre 29 hanggang Nobyembre 3.
Sa flag raising ceremony ng PNP sa Camp Crame nitong Lunes, Oktubre 27, tiniyak ni PNP Acting Chief Lieutenant General Jose Melencio Nartatez Jr. na nakalatag na ang deployment plan ng PNP para sa ligtas na paggunita ng Undas 2025.
“Our PNP deployment plan is already in place, in close coordination with our partners with the LGUs and other government agencies,” pagtitiyak ni Nartatez.
“Around 30,000 PNP personnel will be deployed nationwide,” dagdag pa niya.
Misis, sinaksak ng mister sa leeg
Ang mga nasabing pulis ay ikakalat sa mga matataong lugar tulad ng mga sementeryo at transport terminals.
Naka-full force na rin ang mahigit-kumulang 2,403 Metropolitan Manila Development Authority (MMDA) personnel para maibsan ang inaasahang mabigat na daloy ng trapiko at dagsa ng mga tao sa Kalakhang Maynila simula Oktubre 29.
Sa pakikipag-ugnayan sa Highway Patrol Group (HPG), Philippine National Police (PNP), Department of Transportation (DOTr), North Luzon Expressway (NLEX), at South Luzon Expressway (SLEX), kanilang napagkasunduan ang paglalagay ng mga help desk at traffic personnel sa mga bus terminal at sementeryo simula Oktubre 29 hanggang Nobyembre 3.
KAUGNAY NA BALITA: Mga ahensya, handa nang mag-‘full force’ para sa Undas 2025
Sean Antonio/BALITA
