Ipinatutupad ng Department of Education (DepEd) ang work-from-home (WFH) arrangement para sa mga non-teaching personnel sa darating ng ‘Mid-year Wellness Break’ sa mga eskwelahan mula Oktubre 27 hanggang 30.
Sa memorandum na ibinaba ng DepEd, binanggit na pinahihintulutan ang WFH ng mga non-teaching personnel hanggang dalawang araw sa 4-day wellness break, na alinsunod sa pag-apruba ng Head of Office at pagsusumite ng kanilang accomplishment report.
“Non-teaching personnel may be allowed to render services through WFH arrangement for a maximum of two (2) days within the period of October 27 to 30, 2025, inclusive of their availment of the Combination Flexible Work Arrangement, subject to the approval and discretion of the Head of Office, and consistent with the provisions of DepEd Order No. 4, s. 2025,” saad sa memo.
Para rin matiyak ang patuloy na matugunan ang serbisyo sa mga paaralan at opisina, binigyang mandato ng DepEd ang Heads of Offices na ipagpatuloy ang “skeleton workforce on-site” para sa mga agarang transaksyon sa kasagsagan ng wellness break.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
“Heads of Offices are directed to ensure continuity in the delivery of services by maintaining a skeleton workforce on-site throughout the duration of the Midyear Wellness Break to attend to urgent and essential transactions,” direktiba ng DepEd.
Ang mandatong ito ay saklaw lahat ng paaralan, division, at central office sa bansa, na layong bigyang-pagpapahalaga ang kalagayan ng mga empleyado habang tinitiyak pa rin ang maayos at patuloy na serbisyo ng mga opisina sa gobyerno.
Sean Antonio/BALITA
