Kinumpirma ni Ombudsman Jesus Crispin Remulla noong Biyernes, Oktubre 24, 2025 na hindi na humihiling si dating Bulacan assistant district engineer Brice Hernandez na maging state witness, ngunit bibigyan pa rin umano ito ng espesyal na konsiderasyon bilang isang “cooperative witness.”
"Hindi niya na pinipilit yung state witness kasi nakita naman nila na ang hirap gawin yun na magbigay ng blanket immunity lalo na sa ghost project... Open shot case ‘yan eh. Whether or not they cooperate, maku-convict naman sila talaga dyan, ‘di ba? Hindi mo naman kailangan na state witness doon kung tutuusin eh,” paliwanag ni Remulla.
Sa kabila nito, nananatili pa ring “cooperative witness” si Hernandez, ayon kay Remulla.
“Kasi nga cooperative witness ‘yan, syempre bibigyan natin ng special consideration with the permission of the court. Kasi lahat po ‘yan, sinasangguni natin sa korte,” ani Remulla.
Kamala Harris sa pag-atake ng US sa Venezuela: 'It is about oil!'
Kumpirmado rin na humarap na sa mga imbestigador ng Office of the Ombudsman sina Hernandez at dating Bulacan engineer Henry Alcantara.
Ayon kay Assistant Ombudsman Mico Clavano, nasa tanggapan ng Ombudsman si Hernandez noong Huwebes, habang humarap naman sa mga imbestigador si Alcantara noong Biyernes.
Samantala, matatandaang kamakaialan lang ng iahayag ni Senate President Vicente "Tito" Sotto III na posible umanong manatili sa kustodiya ng Senado ang kontraktor na si Curlee Discaya at Bulacan engineers na sina Alcantara, Hernandez at Jaypee Mendoza, hanggang 2028, hangga't hindi naglalabas ng arrest order ang Supreme Court (SC).
"Mapipilitan kami, based on the SC ruling na pagdating ng June 2028, ire-release namin sila," ani Sotto.
Paglilinaw naman niya, "Of course. Ibang usapan na ‘yon. Oras na pinapaaresto na sila ng korte, di naman puwedeng di ko ibigay ‘yon."
KAUGNAY NA BALITA: Kung walang arrest order ang SC: Curlee Discaya, DPWH engineers, kulong sa Senado hanggang 2028
