Bilang paghahanda sa darating na Undas 2025, ang Philippine Ports Authority (PPA), sa pakikipagtulungan sa Philippine Drug Enforcement Agency (PDEA), ay nagsagawa ng surprise drug testing para sa kanilang regular at contract-of-service personnel.

Isinagawa ang surprise drug testing noong Oktubre 20 hanggang Oktubre 21 sa head office ng PPA sa Port Area sa Maynila upang mapanatili ang "drug-free workplace."

“Makakaasa po ang ating mga kababayan na top priority ng PPA ang kaligtasan at kaayusan sa ating mga pantalan at mga pasahero. Kasama na po dito ang pagtitiyak na drug-free workplace ang PPA,” saad ni PPA General Manager Jay Santiago sa isang pahayag na ibinahagi ng PPA nitong Huwebes, Oktubre 23. 

"We will take immediate action against personnel who test positive, as we have a zero-tolerance policy for drug use within our workforce," ayon pa kay Santiago. "A drug-free workplace ensures the safety not only of our employees but also of the millions of passengers, port users, and partners who rely on our operations."

DPWH sa Senado: 'Restore the deducted amounts from the projects in the 2026'

Ayon sa PPA, nasa 770 empleyado nila ang nagpa-drug testing—bagay na ginagawa anila mula noong 2016 upang suportahan ang national anti-drug campaign ng pamahalaan.