Nagkomento si Sen. Ronald “Bato” dela Rosa hinggil sa pagkakatanggal ni Cavite 4th district Rep. Kiko Barzaga bilang military reservist.

Sa isang Facebook post noong Miyerkules, Oktubre 22, 2025, iginiit ni Dela Rosa na mananatili raw “asset” ng mga Pilipino si Barzaga, bagama’t isa raw “liability” ang tingin ng militar sa kaniya.

“Cong Kiko Barzaga might be a liability to the AFP hence, the delistment but he remains a valuable asset to the Filipino people for his fight against corruption,” ani Dela Rosa.

Matatandaang noong Miyerkules din nang ihayag ng Armed Forces of the Philippines (AFP) ang tuluyan nilang pag-alis kay Barzaga bilang miyembro ng kanilang reservist bunsod umano ng mga social media post niya.

DPWH sa Senado: 'Restore the deducted amounts from the projects in the 2026'

“Representative Kiko Barzaga was delisted over the release of his statements on social media, as he was insinuating sedition with an attached photo of him in military uniform,” ani Dema-ala sa GMA News Online.

Dagdag pa niya, “Such statements endanger the Armed Forces' position as a non-partisan organization.”

Saad pa ni Dema-ala, ibinahagi raw kasi ni Barzaga ang mga pahayag kasama ang kaniyang larawang nakasuot pa ng military uniform.

Aniya, “Per investigation, lumalabas na 21 September niya na-commit yung offense by posting yung picture nya in military uniform while insinuating seditious statements that is why yun ang effectivity ng kanyang delistment.”

KAUGNAY NA BALITA: 'He was insinuating sedition!' Rep. Barzaga, inelbow na bilang military reservist