Dinepensahan ng aktor at TV personality na si Chuckie Dreyfus ang Kapuso star na si Jillian Ward, matapos kumalat ang mga alegasyong may “relasyon” umano ito sa dating gobernador na si Luis “Chavit” Singson.
Sa isang media conference kamakailan, tahasang itinanggi ni Singson ang naturang alegasyon.
"Marites lang 'yan... naririnig ko nga 'yan, marami ngang nali-link sa akin pero puro marites 'yan," aniya.
KAUGNAY NA BALITA: Chavit kay Jillian Ward dinidikit, may relasyon ba?-Balita
Ibinahagi naman ni Chuckie sa kaniyang Facebook post nitong Miyerkules, Oktubre 22, ang isang mensahe para kay Jillian, kung saan sinabi niyang simula noong bata pa ito, kilala niya na ito, kung kaya’t hindi niya kayang manahimik lalo pa’t nagsisimula ang mga tao na kuwestiyunin ang aktres.
“Alam mo, @jillian my anak… I’ve known you since you were about 6 years old. I’ve seen you bloom, not just as an artist, but as a woman with so much heart. And not a lot of people know this, pero madalas ka sa’kin mag-open up. Yung mga late-night messages, kwento mo about your wins, struggles, frustrations, love, dreams… even the moments you doubted yourself,” ani Chuckie.
“You’ve poured your heart out to me more times than I can count. And every time we talk, I see that same genuine, grounded girl behind all the glitz and glam. That’s why when people start throwing shade or questioning the things you’ve worked hard for, hindi ko talaga kayang manahimik. Because I know the grind. I’ve seen your sacrifices. I know the time, the effort, the tears behind every little win. You’ve told me about this issue a long time ago, remember?” dagdag pa nito.
Inilahad niya rin sa kaniyang mensahe na laging may masasabi at masasabi ang tao, ngunit hindi kailangan ng aktres na magpaliwanag sa kanila.
“Sabi ko nga sa’yo noon pa… people will always have something to say. That’s just how the world is. But you don’t owe anyone an explanation. Not when your success is built on grit, grace, and God’s timing,” aniya.
“Anak, tatay is so proud of you. I love you. I believe in you. And I’ll say it again… you’ve got this. No matter how loud the noise gets, remember your truth. Remember what you’ve built with your own two hands. Remember the heart behind it all,” saad pa niya. “You’ve always led with love, and that’s what makes you different. So stand tall. Keep being you. Because the woman you are today? She’s someone worth looking up to. And don’t you ever forget… I gotchu.”
Matatandaang emosyonal na sinagot ni Jillian sa “Fast Talk with Boy Abunda” ang mga tanong hinggil sa usaping siya umano ay “binubugaw” ng kaniyang ina. Pag-amin ng aktres, siya ay nasasaktan sa mga paratang na ito.
“Sobrang sakit talaga, Tito Boy, kasi my parents didn't raise me that way. Lahat ng meron ako, pinagpaguran ko and my mom would never do that to me. Sobrang nasasaktan ako kasi hindi po talaga gano'n ang mom ko. Tapos, nadadamay po siya sa lahat ng 'to. Nananahimik 'yong mother ko,” saad ni Jillian.
KAUGNAY NA BALITA: Iniintrigang may benefactor! Jillian Ward nagsalita sa isyung 'binubugaw' ng sariling ina-Balita
Vincent Gutierrez/BALITA
