Naglabas ng pahayag si Bicol Saro Party-list Rep. Terry Ridon kaugnay sa pagkakansela ng Department of Foreign Affairs (DFA) sa pasaporte nina Zaldy Co at Harry Roque.
Sa X post ni Ridon nitong Sabado, Oktubre 18, sinabi niyang hindi umano maaaring kanselahin ng DFA ang pasaporte ng sinoman sa dalawa.
“Kahit sino pa yan, si Zaldy Co man o si Harry Roque, hindi pwedeng magkansela ng pasaporte ang DFA nang walang court order. Wala sa Konstitusyon, wala sa Passport Act,” saad ni Co.
Dagdag pa niya, “Para maproseso ang pagkakansela ng mga pasaporte nilang dalawa, kailangan lang sundin ang proseso sa Passport Act — Kasuhan si Zaldy Co at ipatupad ang arrest warrant ni Harry Roque.”
Sen. Bato, masayang nakita ang apo
Matatandaang sinabi kamakailan ni Navotas City Rep. Toby Tiangco na tila pinoprotektahan umano ng DFA si Co dahil hindi pa rin kinakansela ng ahensya ang pasaporte nito.
Ngunit depensa ng DFA, “Under the New Passport Law, the DFA may cancel or revoke a passport only upon grounds expressly provided by law, such as passport acquired fraudulently, tampered with, or issued erroneously, or upon orders of the court when the holder has been convicted of a criminal offense or fugitive from justice.”
“This process is governed by established legal criteria and is not subject to arbitrary or political considerations,” dugtong pa ng ahensya.
