Ipapa-auction na ng Bureau of Customs (BOC) ang 13 luxury vehicles na pagmamay-ari ng mga kontraktor na sina Curlee at Sarah Discaya, ayon sa Independent Commission for Infrastructure (ICI) nitong Huwebes, Oktubre 16, 2025.
Ayon kay ICI Executive Director Brian Hosaka, ipinaalam ni BOC Commissioner Ariel Nepomuceno sa komisyon na kulang umano sa tamang dokumento ang mga nasabing sasakyan.
"Which now gives them right, gives the right for them to auction it off. So in a couple of weeks, I think, according to Commissioner Nepomuceno,” ani Hosaka.
Dagdag pa niya, “They're just going through the process of approval with the DOF and they will be auctioning this off. In that case, there will be an immediate recovery.”
'Di kami namimilit!' Mga Duterte, nananatili hangga't gusto ng tao—FPRRD
Nitong Oktubre, naglabas ang BOC ng Warrant of Seizure and Detention laban sa 13 sasakyan dahil sa mga iregularidad sa mga isinumiteng papeles ng mag-asawang Discaya.
Tinatayang nasa ₱100 milyon ang hindi nabayarang buwis nang bilhin ng mag-asawa ang mga naturang sasakyan.
Iniulat din ng BOC na karamihan sa mga nakumpiskang sasakyan ay walang rekord ng binayarang duties at taxes.
KAUGNAY NA BALITA: Customs, nakumpiska na 12 luxury cars ng Pamilya Discaya
