Ibinahagi ni Vice President Sara Duterte ang umano’y kagustuhan ng kaniyang amang si dating Pangulong Rodrigo Duterte na makatulong sa problema sa korapsyon ng bansa.

Sa panayam sa kaniya ng media nitong Miyerkules, Oktubre 15, 2025, iginiit niyang nalulungkot daw si dating Pangulong Duterte dahil hindi raw ito makatulong sa nasabing kasalukuyang problema ng Pilipinas.

“Malungkot siya sa nangyayari sa bayan. Kasi frustrated siya kasi hindi siya makatulong. Gusto n’ya tumulong, di siya makatulong sa nangyayari na korapsyon sa administrasyon,” ani VP Sara.

Matatandaang kasalukuyang nasa kustodiya ng International Criminal Court (ICC) si Duterte bunsod ng reklamong crimes against humanity.

Sen. Bato, masayang nakita ang apo

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Samantala, matapos ang pitong buwang pananatili sa kanilang kustodiya, noong Oktubre 10 nang muling i-reject ng ICC ang hiling na interim release ng kampo ni Duterte.

Ayon sa ICC, maayos umanong nakakatanggap ng medical treatment si Duterte sa kanilang kustodiya, bagay na malayo umano sa sinasabi ng kaniyang kampo na hindi naibibigay ang medikal na atensyong kinakailangan niya.

"The Chamber notes that the Defense limits itself to argue that 'Mr Duterte is 80 years old and medical reports have highlighted [REDACTED],' and that [REDACTED], without substantiating how detention is so detrimental that it justifies his release. It does not explain to what extent Mr. Duterte [REDACTED] and how that would justify his interim release," anang ICC.

KAUGNAY NA BALITA: 'Rejected!' 'Humanitarian reasons para sa interim release ni FPRRD, 'di pinayagan ng ICC