Nilinaw ng isang Duterte supporter na biro lang umano ang nasabi noon ni Vice President Sara “Inday” Duterte kaugnay sa pagtatakas kay dating Pangulong Rodrigo Duterte na isa sa mga nabanggit ng International Criminal Court sa pagbasura ng kaniyang interim release.
“More specifically, the Chamber notes that, on 19 July 2025 Mr. Duterte’s daughter mentioned in public speeches the idea of breaking Mr. Duterte out of the ICC Detention Centre, and attempted to delegitimise the Court’s proceedings against Mr. Duterte, citing collusion between the Court and the government of the Philippines as well as the use of ‘fake witnesses’,” mababasa sa desisyon noon ng ICC.
MAKI-BALITA: 'Rejected!' 'Humanitarian reasons para sa interim release ni FPRRD, 'di pinayagan ng ICC
Ayon naman sa naging panayam ng Duterte supporter at Vlogger na si Alvin Sarzate sa One News PH noong Lunes, Oktubre 13, 2025, sinabi niyang nagbibiro lamang umano si VP Sara tungkol sa nasabi niyang iyon noon sa kaniyang live.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
“It wasn’t supposed to be categorized or characterized as a serious statement kasi ‘yong mga tao sa Facebook live, nagko-comment kasi sila,” pagsisimula ni Alvin
“‘Kumusta na si Mr. President? Kailan makakauwi?’ Ganito, ganiyan. Then VP Inday Sara engaged jokingly doon sa mga nag-comment doon sa Facebook live,” pahabol pa niya.
Ani Sarzate, nagulat umano siya nang mabanggit ng ICC sa kanilang dahilan sa pagbasura ng interim release ni FPRRD ang nasabing pangyayaring ito.
“I was super shocked. I think it can be characterized as one of the reasons doon sa mga criticism dito sa ICC because they rely heavy emphasis on this particular instance.”
“Media statements which could be characterized as easily verifiable on whether or not it is stated on a serious or jokingly manner,” saad pa niya.
Umaasa umano si Sarzate na bigyan ng argumento ng defense team ni FPRRD ang naging desisyong ito ng nasabing hukuman.
“But it was there in the decision so I would like to believe that in the appeal of the defense team, they are going to outlay the foundation as to the arguments why such a decision was reached by the pre-trail chamber,” anang supporter.
Pagpapatuloy pa niya, hindi na lang sana umano ipinagkait kay FPRRD ang hiling niyang interim release dahil sa kaniyang edad at matagal nang pananatili sa ICC detention facility.
“Sana binigyan talaga ng interim release [si FPRRD]. Para sa akin, as a spectator, it should have this is a matter of right para kay former President being 80 years old continuously incarcerated more than 7 months inside the ICC detention center facility,” ani Sarzate.
“While the British Chamber is going to determine how they’re going to proceed with a case against the former President. He should have been given the interim release kasi provisionary freedom lang naman ito,” dagdag pa niya.
Isinaad din ni Sarzate na sa tingin niya, hindi rin umano tatakas si FPRRD dahil sa mas magiging mahigpit na pamantayan ng ICC kung mabigyan man nila ng interim release ang dating pangulo.
“He’s not going to escape. He’s not going to be even following a strict implementation of guidelines under the ICC pa rin. So he’s not going anywhere but doon lang sa host country who unprecedentedly expressed their willingness to host the former President,” pagtatapos pa ng vlogger.
MAKI-BALITA: 'Rejected!' 'Humanitarian reasons para sa interim release ni FPRRD, 'di pinayagan ng ICC
Mc Vincent Mirabuna/Balita
