Nagbigay ng pahayag ang Malacañang kaugnay sa sinabi ni Davao 1st district Rep. Paolo “Pulong” Duterte tungkol sa pagbasura ng International Criminal Court (ICC) sa hiling na interim release ni dating Pangulong Rodrigo Duterte.
“This decision is a gross and disgraceful miscarriage of justice. It is not law — it is a political theater[...] To all kidnappers of my father I will make sure that you will pay for this crime that you have committed…” saad ni Pulong sa kaniyang Facebook post noong Oktubre 10, 2025.
MAKI-BALITA: Pulong Duterte sa desisyon ng ICC: 'This decision is a gross and disgraceful miscarriage of justice'
Ayon sa isinagawang press briefing ni Palace Press Undersecretary Claire Castro nitong Lunes, Oktubre 13, 2025, sinabi niyang dapat umanong sumunod ang lahat sa ipinag-uutos ng batas.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
“Hindi tayo dapat mabuhay sa mga pagbabanta. Tayo po ay nasa sinasabing civilized society at wala po tayo sa isang barbaric worlds. So dapat po tayong tumugon kung ano ang rule of law,” paglilinaw ni Castro.
Pagpapatuloy pa niya, “hindi po tayo dapat na natatakot o laging nabubuhay sa pananakot.”
Matatandaang hindi pinahintulutan ng ICC ang interim release ni FPRRD ayon sa dokumentong inilabas noong Oktubre 10, 2025.
MAKI-BALITA: 'Rejected!' 'Humanitarian reasons para sa interim release ni FPRRD, 'di pinayagan ng ICC
Kung saan kinuwestiyon nito ang umano'y humanitarian grounds hinggil sa medikal na kondisyon ni Duterte habang nakadetine sa kanilang kustodiya.
"The Chamber notes that the Defense limits itself to argue that 'Mr Duterte is 80 years old and medical reports have highlighted [REDACTED],' and that [REDACTED], without substantiating how detention is so detrimental that it justifies his release. It does not explain to what extent Mr. Duterte [REDACTED] and how that would justify his interim release," anang ICC.
Saad pa ng ICC, maayos umanong nakakatanggap ng medical treatment si Duterte sa kanilang kustodiya, bagay na malayo umano sa sinasabi ng kaniyang kampo na hindi naibibigay ang medikal na atensyong kinakailangan niya.
Iginiit din ng ICC mananatili pa rin daw silang bukas para sa karapatan ni Duterte, kabilang ang pagpapahintulot na makabisita ang kaniyang mga kapamilya.
Kaugnay nito, pinagtibay ng ICC ang tahasang "pag-reject" umano nilla sa kahilingan ng kampo ni Duterte.
"The Chamber, therefore, considers that the defence's argument that MR. Duterte should be released for humanitarian reasons must be rejected," giit ng ICC.
Mc Vincent Mirabuna/Balita
