Sumadsad umano sa ₱5 trilyon ang nawala sa market capitalization ng Philippine Stock Exchange (PSE) mula noong Disyembre 2024 ayon kay Cora Guidote, dating Investor Relations head ng Bangko Sentral ng Pilipinas.
Sa isang Facebook post ni Guidote noong Huwebes, Oktubre 9, inilatag niya ang mga datos na nagsilbing tuntungan ng kaniyang pahayag.
Aniya, “So I went back to Grok and sought the data sources. The numbers are different and more realistic but the trends are the same and the drop in market cap are in fact larger from December 2024.”.
Ayon kay Guidote, pumalo na umano sa ₱3.6 trilyon nawala sa pagitan ng Pebrero at Oktubre 2025.
Asong naputulan ng dila sa Valenzuela City, resulta raw ng ‘dog fight’
At batay sa mga inilatag niyang numero, umabot sa ₱19.9 trilyon ang PSE market capitalization noong Disyembre 2024, ₱18.5 trilyon noong Pebrero 2025, at ₱14.9 trilyon noong Oktubre 9.
“Given these data, the Phisix market cap actually dropped by Php5 trillion from December 2024 to October, and by Php3.6 trillion from February to October,” saad ni Guidote.
Dagdag pa niya, “These numbers are in fact much larger than what was formerly cited. Although, if one looks at the index performance in the last 3 weeks the Php1.7 trillion loss may not be that farfetched. They are also in line with the index performance which peaked late last year.”
Sa huli, sinabi ng dating opisyal na mahirap umanong makakita ng recovery mula rito.
“The index will most likely decline further or flatline at the least given the political uncertainty and the long-term economic impact of the exposed massive corruption,” pahabol pa niya.
Bahagi ito ng tugon ni Guidote sa sinabi ni Frederick Go, special assistant to the President for investment and economic affairs secretary, na binansagang “fake news” umano ang pahayag na umabot sa ₱ 1.7 trilyon ang nawala sa market value dahil sa isyu ng maanomalyang flood control sa Pilipinas.
Maki-Balita: 'Fake news!' Economic team ni PBBM, pinabulaanan ₱1.7 trilyong na-wipeout sa stock market
