Isiniwalat ni Securities and Exchange Commission (SEC) Chairman Francis Lim na papalo sa halagang ₱1.7 trilyon ang nawala sa Philippine Stock market sa loob lamang ng tatlong linggo.

‎
‎Ibinahagi niya ito sa ginanap na 57th Annual Conference of the Financial Executives (Finex) kamakailan, ‎na aniya, kaugnay raw sa pagputok ng isyu ng flood control projects at korapsyong nakaapekto sa kumpiyansa ng mga investors sa bansa.

“The flood control project scandal has shaken public confidence, wiping out an extraordinary ₱1.7 trillion in market value of our publicly listed companies in just three weeks, despite rising corporate earnings,” ani Lim.

“Investors aren’t fleeing because of weak fundamentals; they’re fleeing because of weak integrity. It’s a stark reminder that corruption is a weapon of mass wealth destruction,” dagdag pa niya.

Ipinagdiinan din ni Lim na ito ay hindi lamang isang market issue, bagkus ito ay isang trust issue, na sa ngayon ay ang “urgent missions” ng SEC.

“This is not just a market issue. It’s a trust issue. Rebuilding that trust is one of the SEC’s most urgent missions… When trust breaks down, capital dries up, and everyone—government, business, and the public—pays the price,” anang SEC chair.

Matatandaang hiniling ng bagong Ombudsman na si Jesus Crispin “Boying” Remulla nitong Miyerkules, Oktubre 8, ang pag-iisyu ng lookout bulletin order laban sa mga dati at kasalukuyang senador, solon, at ilan pang mga kasangkot sa anomalya at iregularidad ng flood control projects sa bansa.

KAUGNAY NA BALITA: ICI hiniling sa DOJ na maglabas ng lookout bulletin order sa ilang senador, solon, at iba pa-Balita

Vincent Gutierrez/BALITA