Tatanggihan umano ni Sen. Raffy Tulfo ang chairmanship ng Blue Ribbon Committee kung sakaling ito ay i-offer sa kaniya.

Ibinahagi ni Sen. Raffy sa kaniyang Facebook post nitong Martes, Oktubre 7, na siya umano ay “flattered” na ang kaniyang pangalan ay napabilang sa pagpipilian ng mga posibleng bagong Blue Ribbon Chair na binanggit ni Senate President Vicente “Tito” Sotto III.

“I’m very flattered that my name is being considered among four other senators for the prestigious Blue Ribbon Committee chairmanship,” ani Sen. Raffy.

“However, if offered to me, I will humbly decline for the simple reason that I don’t want to lose focus on my three committee chairmanships that are my main advocacies—Labor, Migrant Workers, and Public Services,” dagdag pa niya.

Sa isang panayam, inilahad ni SP Sotto ang mga senador na puwedeng pagpalian na hahalili kay Senate President Pro Tempore Panfilo “Ping” Lacson sa nasabing komite.

"Marami kaming puwedeng pagpilian, nandyan si Senator JV [Ejercito], si Senator Raffy Tulfo, si Pia Cayetano, o kaya si Francis Pangilinan, even si Risa [Hontiveros] puwede," ani Sotto.

MAKI-BALITA: SP Sotto, pinangalanan mga senador na puwede maging Senate blue ribbon committee chair-Balita

Ang piliang ito ng bagong chairman ng Blue Ribbon ay kaugnay sa pagbaba ni Sen. Lacson sa nasabing posisyon.

"Kung nagkukulang na ng pagtitiwala ang aking kasamahan, especially kung mas marami sa kanila, hindi na masaya sa pagha-handle sa akin sa blue ribbon, naisip ko na maybe stepping down is an option," saad ni Lacson.

MAKI-BALITA: 'Maybe stepping down is an option!' sey ni Lacson, sa pagiging Blue Ribbon Chair niya-Balita

Vincent Gutierrez/BALITA