Nagpahayag ng suporta si dating Taguig City Mayor Lino Cayetano sa mungkahi ng kaniyang kapatid na si Sen. Alan Peter Cayetano.
Sa kaniyang Facebook post noong Linggo, Oktubre 5, 2025, iginiit niyang dapat daw magsimula ang pagbabago sa kanilang mga sarili, at saka binigyang-diin na magpapatuloy daw ang Senado at Taguig kahit walang mga Cayetano.
"Lets lead. The Senate will function without the Cayetanos while Taguig has a very capable Vice Mayor and the Cayetano political party has had 15 years to run Taguig City and institute reform. Matibay na dapat ito," ani Lino.
Dagdag pa niya, "If you truly believe what you say then trust and have faith that if some of the old guard step down now - it will inspire others to follow. "
Pagkakawatak-watak sa politika, hindi matatapos sa 2026—Jay Costura
Suportado rin niya na dapat ay wala umanong Cayetano ang kumandidato sa 2028.
"I will support further that no Cayetano should run in 2028. Lahat tayo," saad niya.
Matatandaang noong Linggo rin nang igiit ni Sen. Alan sa kaniyang Facebook account ang ideya na mag-resign umano ang mga lider mula sa Pangulo hanggang Kamara at saka magkasa ng snap election.
"People have lost trust in government and government officials. Honestly, who can blame them? So here’s a thought: WHAT IF we all just resign and allow a Snap Election. From The President, Vice President, Senate, and Congress. With One Important Addition - No Incumbent From The Above Can Run For 1 Election Cycle," aniya.
KAUGNAY NA BALITA: 'What if we all just resign and allow a Snap Election'—Sen. Alan Peter Cayetano
Bunsod nito, hinamon din ni Lino ang kaniyang kapatid na si Sen. Alan na umpisahan aniya ang pagbibitiw sa puwesto upang maipakita ang sinseridad.
Aniya, "Be that one Sen Alan and you will be remembered by all sides as someone who layed the groundwork for real change."
