Nanawagan ang Catholic Bishops’ Conference of the Philippines (CBCP) na panigan ang integridad kaugnay sa gumugulong na imbestigasyon sa likod ng maanomalyang flood control projects.
Sa latest Facebook post ni CBCP president at Kalookan Bishop Cardinal Pablo “Ambo” Virgilio David nitong Lunes, Oktubre 6, ipinaalala niya ang ugat kung bakit binuo ang Independent Commission on Infrastructure (ICI).
“The Independent Commission on Infrastructure (ICI) was created precisely to restore public trust. It must be empowered to investigate fully and freely, without political interference from any branch of government,” saad ng CBCP.
Kaya naman mahigpit umano nilang tinututulan ang anomang tangka na pigilan o ipagpaliban ang nasabing imbestigasyon sa pamamagitan ng “backroom deals,” “leadership takeovers,” o “selective justice.”
Sen. Bato, masayang nakita ang apo
Anila, “This is a defining moment for public accountability. We urge both Congress and Malacañang to prove that they serve the common good, not partisan power.”
“Let the truth flow freely. Let the ICI do its work — thoroughly, transparently, and without fear or favor. No to a whitewash. Yes to full accountability,” dugtong pa ng CBCP.
Matatandaang nauna nang sinabi ni ICI executive director Brian Keith Hosaka na hindi raw nila isasapubliko ang pagdinig kaugnay sa nasabing isyu upang maiwasan ang “trial by publicity” at anomang impluwensyang pampolitika.
MAKI-BALITA: 'Ekis sa livestream?' ICI, 'di isasapubliko mga pagdinig sa flood control projects
