Iginiit ng Malacañang na nasa desisyon na raw ni Vice President Sara Duterte kung dadalo siya sa plenary deliberations para sa 2026 budget ng Office of the Vice President (OVP).
Sa panayam ng isang news program kay Presidential Communications Office (PCO) Undersecretary Claire Castro noong Biyernes, Oktubre 3, 2025, sinabi niyang hindi hahadlangan ng Palasyo ang magiging desisyon ni Duterte, ngunit binigyang-diin na nasa kaniya ang responsibilidad na ipagtanggol ang pondo ng OVP.
“Kung yun po ang gusto n’yang gawin. Kung ayaw n’yang pumunta sa plenary debate, nasa kaniya po ‘yan. Kargo n’ya po ‘yan dahil ‘yan naman po ay Office of the Vice President at maraming umaasang mga tao diyan na kaniyang mga tauhan. Kung ayaw niyang pumunta, nasa kaniya po ‘yan,” ani Castro.
Matatandaang ayon sa mga ulat, tatlong beses hindi sumipot si VP Sara at maging ang ilang kinatawan ng OVP mula noong Martes (Setyembre 30), Miyerkules (Oktubre 1) at Huwebes, (Oktubre 2, 2025).
Shipping line ng lumubog na M/V Trisha Kerstin 3, nakiramay sa mga kaanak ng kanilang mga pasahero
Sa isang liham na ipinadala ng OVP sa House appropriations noong Setyembre 30, dalawang kondisyong ang inilatag ng kanilang kampo, bago umano siputin ang Kamara:
The House of Representatives demand the attendance of President Marcos for the ₱27.3 billion pesos budget deliberation of the Office of the President,
The Committee on Good Government and Public Accountability will produce before the plenary schedule, a Department of Justice (DOJ) document confirming [the lifting of] the Immigration Lookout Bulletin Order (ILBO) on seven of her personnel.
Bunsod nito, iminungkahi naman nina Mamamayang Liberal Partylist Rep. Leila de Lima at ACT Teachers Partylist Antonio Tinio na tapyasan ang budget ng OVP.
"To manifest my extreme displeasure about the behavior of our Vice President, and in due time, I will move for the decrease in the budget of the [OVP]," ani De Lima.
Samantala, saad naman ni Tinio, “I will move to reduce the budget of the [OVP] for 2026...I will move that it be cut only to the PS (Personnel Services) component. Ibig sabihin yung pang-sweldo lang po sa personnel. Bakit po? Dahil obligado po, habang nanantili silang empleyado ng gobyerno. At isaalang-alang din po natin na ang mga kawani ng [OVP] ay damay lang po.”
KAUGNAY NA BALITA: Minority solons, balak tapyasan budget ng OVP, dahil sa 'di pagsipot sa House plenary debate
