Inihayag ni Independent Commission for Infrastructure (ICI) Executive Director Brian Hosaka na wala pa raw go signal ang pagpapadala ng subpoena para kina dating House Speaker Martin Romualdez at dating Ako Bicol Partylist Rep. Elizaldy Co.
Sa ambush interview ng media kay Hosaka noong Huwebes, Oktubre 2, 2025,iginiit niyang nakatakda raw nilang i-resend ang mga subpoena sa oras na bumaba ang go signal.
“The subpoena or what we call invitation for incumbent legislators wala pang go signal from the commission to resend this again, but it will be sent out,” ani Hosaka.
Matatandaang noong Miyerkules, Oktubre 1 nang kumpirmahin ni Hosaka ang pagapatawag kina Romualdez at Co, kabilang na rin si dating Department of Public Works and Highways (DPWH) Secretary at ngayo’y senador na si Sen. Mark Villar.
Walang basehan!' Solon, itinangging may parte sa 2026 nat'l budget ang impeachment para kay VP Sara
“That’s a possibility, yes. Because (Villar) was a former secretary of the DPWH,” paliwanag ni Hosaka.
Paglilinaw naman ni Hosaka kung bakit kasama si Romualdez, sinabi niyang noon pa naimbita ng kanilang ahensya ang dating House Speaker.
“I believe he will be invited. In fact, I think, according to our secretariat, he was invited already, but I just have to find out if the summons or the subpoena was actually received,” paliwanag ni Hosaka.
KAUGNAY NA BALITA: ICI, ipatatawag sina Romualdez, Co, Villar para sa imbestigasyon sa flood-control anomalies
Samantala, sa Oktubre 7 naman inaasahan ang pagpunta ni Villar sa ICI.
