Binabalak ng tapyasan ng ilang minority solons ang budget ng Office of the Vice President (OVP) matapos ang hindi nito pagsipot sa House plenary debates.

Ayon sa mga ulat, tatlong beses hindi sumipot si Vice President Sara Duterte at maging ang ilang kinatawan ng OVP mula noong Martes (Setymbre 30), Miyerkules (Oktubre 1) at Huwebes, (Oktubre 2, 2025). 

Sa isang liham na ipinadala ng OVP sa House appropriations noong Setyembre 30, dalawang kondisyong ang inilatag ng kanilang kampo, bago umano siputin ang Kamara:

The House of Representatives demand the attendance of President Marcos for the ₱27.3 billion pesos budget deliberation of the Office of the President,

'Dedma kung dating hepe!' DILG, tiwalang kayang arestuhin ng PNP si Sen. Bato

The Committee on Good Government and Public Accountability will produce before the plenary schedule, a Department of Justice (DOJ) document confirming [the lifting of] the Immigration Lookout Bulletin Order (ILBO) on seven of her personnel.

Kabilang sa mga tinutukoy na pitong katao na may ILBO ay sina Undersecretary Zuleika Lopez, Assistant Secretary Lemuel Ortonio, Directors Rosalynne Sanchez, Sunshine Fajarda at Edward Fajarda, Special Disbursing Officer Gina Acosta at Chief Accountant Julieta Villadelrey—na kapuwa mga ipina-subpoena noong ng Kamara kaugnay ng imbestigasyon sa umano’y maanomalyang paggamit ng confidential funds ng OVP. 

Bunsod nito, iminungkahi naman nina Mamamayang Liberal Partylist Rep. Leila de Lima at ACT Teachers Partylist Antonio Tinio na tapyasan ang budget ng OVP.

"To manifest my extreme displeasure about the behavior of our Vice President, and in due time, I will move for the decrease in the budget of the [OVP]," ani De Lima. 

Dagdag pa niya, "I’m just now thinking of moving for the decrease, let’s say, for the retention of the MOOE (Maintenance and Other Operating Expenses) and personnel services budget and get rid of the operational budget of the [OVP].”

Samantala, saad naman ni Tinio, “I will move to reduce the budget of the [OVP] for 2026...I will move that it be cut only to the PS (Personnel Services) component. Ibig sabihin yung pang-sweldo lang po sa personnel. Bakit po? Dahil obligado po, habang nanantili silang empleyado ng gobyerno. At isaalang-alang din po natin na ang mga kawani ng [OVP] ay damay lang po.”