Nag-abiso ang Land Transportation Office (LTO) sa mga motoristang gumagamit ng mga plakang “temporary” at “improvised,” na ipagbabawal na ang paggamit nito mula Nobyembre 1, 2025.
Ibinahagi ng LTO sa kanilang Facebook post noong Miyerkules, Oktubre 1, ang pahayag ni LTO Chief Assistant Secretary Atty. Vigor D. Mendoza II hinggil sa nasabing abiso ng kanilang opisina.
“Kaya sa hindi pa nakukuha ang kanilang mga plaka, we advise them to do so in order to avoid any inconvenience with regard to the strict implementation of this policy. Let us take advantage of the entire month of October to do so,” ani Mendoza.
Nilinaw naman ng LTO kung sino ang mga maaaring humuli sa mga motoristang lalabag sa nasabing polisiya.
“Once the policy is implemented, Asec. Mendoza said LTO enforcers and other deputized personnel to enforce traffic rules and regulations will be advised to apprehend violators for violation of Joint Administrative Order 2014-001 and other existing laws, rules, and regulations,” anang LTO.
“The penalties under the JAO 2014-001 are ₱5,000 fine and confiscation of the temporary and improvised plates. He added that motor vehicles with improvised or temporary plates will not be accepted for renewal of registration,” dagdag pa nito.
DPWH sa Senado: 'Restore the deducted amounts from the projects in the 2026'
Klinaro din ni Asec. Mendoza na maaari lamang gumamit ng “improvised plate” ang isang motorista kung ito ay otorisado at may pirma ng opisyal ng LTO, na siyang nagproseso ng “duplicate plate request” nito.
Makikita rin daw dapat sa nasabing plaka ang “assigned plate number” nito at ang katagang “Improvised Plate.”
“Asec Mendoza, however, clarified that the use of improvised plates will only be allowed provided that an authorization to use them shall be signed by concerned LTO offices that processed the duplicate plate request,” anang LTO.
“The improvised plate shall contain the assigned plate number of the vehicle with the words ‘Improvised Plate’ below it,” dagdag pa nito.
Binigyang-diin nila na ang polisiyang ito ay sa ilalim ng direktiba ni Pangulong Ferdinand “Bongbong” Marcos Jr. na lutasin na ang mga isyu na may kinalaman sa license plates.
Vincent Gutierrez/BALITA
