Ipinagmalaki ng Pilipinas ang pangunguna sa Global Conference of the International Day for Universal Access to Information (IDUAI) 2025 na ginanap noong Lunes, Setyembre 29 at magtatapos ngayong Martes, Setyembre 30, sa Hilton Newport World Resorts, Pasay City.
Ibinahagi ng Presidential Communications Office (PCO) sa kanilang website nitong Lunes, Setyembre 29, ang mga naging pahayag ni PCO acting secretary Dave Gomez sa nasabing conference, na may temang “Ensuring Access to Environmental Information in the Digital Age.”
“The Philippines is honored and proud to host this year’s conference, especially as we commemorate the 10th anniversary of the designation of September 28 as the International Day for Universal Access to Information,” ani Gomez.
“As the first country in Southeast Asia to host the IDUAI, this celebration is a meaningful recognition of our continuing commitment to Sustainable Development Goal 16.10: ensuring public access to information as a fundamental human right,” dagdag pa niya.
Katuwang ang United Nations Educational, Scientific and Cultural Organization (UNESCO), pinangunahan ng gobyerno ng Pilipinas ang programa at pinagbuklod-buklod ang mga international experts, information commissioners, mga mamamahayag, at civil society leaders mula sa higit 30 mga bansa.
Inaasahang mapag-uusapan sa global conference na ito ang pagpapatibay sa regional cooperation, pagiging handa sa mga kalamidad, climate actions, advanced sustainable development, at maging environmental justice.
Ani Gomez, ang programang ito ay konektado rin sa adhikain ng bansa hinggil sa “right to information,” na nakasaad sa Article III, Section 7 ng 1987 Constitution, at sa Executive Order No. 2, series of 2016, na tumatalakay naman sa Freedom of Information (FOI) Program ng ehekutibo.
Matatandaang hinihimok ng administrasyong Marcos Jr. ang mga mambabatas na ipasa na ang Freedom of Information Act.
MAKI-BALITA: PBBM admin, hinihimok mga mambabatas na ipasa ang Freedom of Information Act-Balita
“I take this opportunity to urge our lawmakers, civil society leaders, and fellow public servants to come together in finally enacting the Right to Information Bill for the Philippines, one that upholds global standards and empowers our democracy,” ani Gomez.
Vincent Gutierrez/BALITA
