May suhestiyon si dating financial secretary Cesar Purismo upang maiwasan umano ang malawakang korapsyon sa gobyerno.

Sa kaniyang Facebook post nitong Miyerkules, Setyembre 24, 2025, iginiit niyang kailangan na raw i-demonetize ang ₱1000 at ₱500 bills upang maiwasan ang korapsyong nangyari sa Department of Public Works and Highways (DPWH).

Ayon kay Purisima, kung lilimitahan lang daw sa ₱200 bills ang pinakamalaking halaga ng bawat printed money, mahihirapan umano sa cash based ang mga korap, kagaya ng kung paano ang naging sistema ng pangungulimbat na isinalaysay sa Senate Blue Ribbon Committee hinggil sa maanomalyang flood control projects. 

“They mentioned that a ₱1 billion cash delivery to a Congressman at the #Shangrila BGC parking lot required around 20 suitcases, multiple vehicles, and massive coordination,” ani Purisima.

Probinsya

4-anyos na bata, patay matapos lunurin ng sariling ina!

Saad pa niya, “Now imagine if the largest bill in circulation were only ₱200. That same ₱1 billion would have needed 100 suitcases, a convoy of vehicles, and a warehouse just to store the cash. The sheer impracticality would make this kind of corruption much harder to hide.”

Inilatag din ni Purisima ang posibleng paraan upang maisakatuparan umano ang nasabi niyang suhestiyon.

Ayon kay Purisima, dapat aniyang bigyan ng hanggang anim na buwan ang publiko upang mapapalitan ang kanilang ₱1000 at  ₱500 na dapat ay sasamahan din ng presentasyon ng valid National IDs. 

“Give the public 6 months to exchange old ₱1000 and ₱500 bills. Require presentation of a valid National ID for exchanges at banks,” ani Purisima. 

Paglilinaw pa niya, “Demonetizing the ₱1000 and ₱500 bills is about making corruption harder and transparency stronger.”