Tuluyan nang ni-revoke ni bagong House Speaker Faustino “Bojie” Dy ang travel clearance ni Ako Bicol Partylist Rep. Elizaldy Co.
Ayon kay Dy, ang nasabing recovation sa travel clearance ni Co ay bunsod ng malawakang panawagan ng publiko hinggil sa kinasasangkutang isyu ng naturang kongresista kaugnay ng maanomalyang flood control projects.
“This revocation is issued in the paramount interest of the public and due to the existence of pressing national matters requiring your physical presence,” anang House Speaker.
Kaugnay nito, nagmandato rin ang House Speaker ng 10 araw na palugit upang makabalik ng bansa si Co.
Truly blessed! VP Sara, thankful sa mga DDS na alam ang paninira at katotohanan
“You are hereby DIRECTED to return to the Philippines within 10 calendar days from your receipt of this notice. Your immediate return is necessary to address the aforementioned matters with urgency,” saad ni Dy.
Paglilinaw pa ni Dy, maaari umanong mapatawan ng disciplinary action si Co kung sakaling hindi siya makapag-comply sa 10 araw na palugit.
“Failure to comply with this directive within the prescribed period shall be construed as a refusal to subject yourself to the lawful processes of the House of Representatives and may result in the initiation of the appropriate disciplinary and legal actions,” ani Dy.
Matatandaang kasalukuyang nasa Amerika si Co, para umano si isang extensive health consultation.
“I made an initial inquiry sa Office of the Secretary General. Sa pagkakaalam ko, he's currently out of the country,” ani House Spox Princess Abante.
Saad pa niya, lumipad patungong Amerika si Co para umano sa kaukulang medical treatment.
KAUGNAY NA BALITA: ‘For medical treatment?’ Rep. Elizaldy Co,kumpirmadong nasa labas ng bansa—House Spox
Habang sa hiwalay na pahayag naman nang igiit ni Ako Bicol Partylist Rep. Alfredo Garbin na nag-90/60 raw ang blood pressure ni Co kung kaya’t kinailangan niyang manatili sa Amerika matapos ihatid ang kaniyang anak.
“When I talked to him yesterday, sabi n'ya yung doktor n'ya found out na 90/60 [blood pressure], and the doctor said that 'We need an extensive checkup on your heart’," ani Garbin.
KAUGNAY NA BALITA: Zaldy Co, nag-90/60 BP kaya may 'extensive check-up' sa US—solon
