Inihayag ni Senate President Vicente “Tito” Sotto III na nakatanggap na raw siya ng subpoena request mula sa Independent Commission for Infrastructure (ICI) para kay dating Department of Public Works and Highways (DPWH) engineer Brice Hernandez. 

“I just received moments ago a subpoena duces tecum for you, for your records, and your subpoena ad testificandum from the Independent Commission,” ani Sotto.

Dagdag pa niya, “You are set to testify to them so I suggest you collect your thoughts, tell the truth because the Independent Commission is a different story from in aid of legislation.”

Matatandaang noong nakaraang pagdinig ng Senado noong Setyembre 8, nauna nang ipina-contempt si Hernandez bunsod umano ng pagsisinungaling niya sa mga perang kanilang ipinangka-casino.

Sen. Bato, masayang nakita ang apo

Habang noong Setyembre 9, nang ikanta niya ang pangalan nina Sen. Jinggoy Estrada at Sen. Joel Villanueva na kapuwa sangkot umano sa paghingi ng kickback sa isyu ng flood control projects.

“Tama si Senador [Ping] Lacson, ang mga engineer ng DPWH ay tila naging legman o bagman na lang,” saad ni Hernandez. 

“Kung tatanungin n’yo kung sino o kanino kami naging bagman, sasagutin ko na po ngayon…Si Sen. Jinggoy Estrada, Sen. Joel Villanueva, Usec. Robert Bernardo at district engineer [Henry] Alcantara.”

KAUGNAY NA BALITA: Engr. Brice Hernandez, ikinanta koneksyon nina Villanueva, Jinggoy sa anomalya ng flood control projects