Pinuri ng netizens si Emma Myers (Enid) matapos niyang ibahagi ang kaniyang reaksyon sa kaniyang eksena sa ‘Wednesday’ series, kung saan nagsalita siya sa wikang Filipino.
Matatandaang tila mani kay Enid ang kaniyang litanyang nakasalin sa wikang Filipino.
“Miss na kita. Miss ko na 'yong pagpasyal natin sa beach. Miss ko na lalo 'yong mga matamis na labi mo,” ani Enid.
"Wag mo na akong kausapin, manlolokong taksil,” dagdag pa niya.
KAUGNAY NA BALITA: ‘Pinoy baiting o Inclusion?’ Mga karakter ng ‘Wednesday’ na sina Enid at Bruno, nakapagsasalita ng Filipino!-Balita
Ibinahagi naman ng “WednesdayNetflix” sa kanilang Instagram post kamakailan ang isang “reaction video” ni Emma habang pinanonood ang kaniyang sariling litanya sa ginanapang series na “Wednesday.”
Tila ba nahihiya ang American actress na si Emma habang pinanonood ang nasabing eksena.
“Oh my God, I can't watch this. I haven't seen any of this,” ani Emma.
“Oh my God, I'm gonna close my eyes. Oh my God. Wait, I did it!” dagdag pa niya.
Ibinunyag niya ring nahirapan umano sila ni Bruno (Noah Taylor) i-execute ang Filipino lines nila sa series, ngunit sinubukan naman daw nilang dalawa.
“It's such a hard language. The two of us were literally pacing outside of our trailers just reciting it. We both really tried,” aniya.
“And that was probably the only good take they got of me saying it,” dagdag pa niya.
Inilahad niya ring hindi niya inaasahang ganoon ang kinalabasan ng eksena, at talagang ninenerbiyos siyang panoorin ito.
“Okay, it's not as bad as I thought it would be. I've been really nervous to watch the scene. I'm sweating right now!” anang aktres.
Umani ito ng samu’t saring papuri at reaksiyon mula sa kanilang mga tagahanga.
“Emma Myers really showed off her range in this episode”
“She nailed the Tagalog language part”
“Emma did SUCH a great job as Wednesday. I actually thought she was scarier lol.”
“It's funny how Emma reacts, it's so cute”
“Emma's performance as Wednesday was fantastic. Her acting was on a whole other level! She slayed!! Proud of her!”
“Emma sounded more pinay than the actual Pinoy”
Matatandaang inilabas na ang kabuuan ng “Wednesday” Season 2 noong Setyembre 3.
Vincent Gutierrez/BALITA
