Pinusuan ng celebrities ang ibinahaging “heartfelt” anniversary greeting ng aktor na si Matteo Guidicelli para sa kanyang asawang si Popstar Royalty Sarah Geronimo.
Mababasa sa Instagram post ni Matteo nitong Miyerkules, Setyembre 17, na sa 12 taon ng kanilang pagsasama, hindi man perpekto ang buhay, nandiyan naman ang Diyos upang pagandahin ito.
“12 years and 1 day to forever with you, my love. Life isn’t perfect, but with God’s grace it’s beautiful. Life gives us wisdom, every trial strengthens us,” ani Matteo.
Inilahad din niyang araw-araw umano niyang sinisikap na maging mas maayos na asawa para kay Sarah G.
“Each day I strive to be a better husband to you and to live with love, faith, and gratitude,” aniya.
Ipinaabot naman ng ilang mga celebrities sa industriya ang nagpadala ng kanilang pagbati sa mag-asawang Matteo at Sarah.
Bumati rin pabalik si Popstar Royalty Sarah Geronimo sa kaniyang asawa, at tila nagkamali pa nga ito sa pagitan ng 11th at 12th, ngunit kalauna’y itinama rin niya ito.
Matatandaang kamakailan lamang ay masayang ibinahagi ng mag-asawa na inilunsad na nila ang kanilang sariling record label.
MAKI-BALITA: Sarah, Matteo inilunsad kanilang sariling record label-Balita
Vincent Gutierrez/BALITA
