Nagpahayag ng pagsuporta si House Speaker Martin Romualdez sa pahayag ni Pangulong Ferdinand “Bongbong” Marcos, Jr., hinggil sa magiging imbestigasyon ng Independent Commission on Infrastructure (ICI) na mag-iimbestiga sa flood control projects.
“I fully support President Ferdinand R. Marcos Jr.’s that no one is exempted from the accountability . The House of Representatives has already embraced this principle in our work to uphold transparency and restore public trust,” ani Romualdez.
Matatandaang nitong Lunes din nang linawin ni PBBM na maging ang kaniyang pinsan na si Speaker Romualdez at Ako Bicol Partylist Rep. Elizaldy Co ay hindi ligtas sa magiging imbestigasyon ng ICI.
“There's only one way to do it. They will not be spared,” anang Pangulo.
'Nandito si Mama, naghihintay sa 'yo!' Nanay ng nawawalang bride-to-be, nanawagang maibalik nang maayos ang anak
Saad pa ni PBBM, patutunayan daw nilang hindi totoo ang pagdududa na hindi nila paiimbestigahan ang dalawang mambabatas.
“Anybody will say, 'Ah hindi, wala. Wala tayong kinikilingan. Wala tayong tinutulungan. Wala namang maniniwala sayo hangga't gawin mo eh.’ So gagawin namin,” ani PBBM.
KAUGNAY NA BALITA: 'They will not be spared!' PBBM, nagkomento sa isyu nina Romualdez, Co sa flood control projects
Samantala, saad pa ni Romualdez, kaisa raw siya kay PBBM sa pagsusulong ng patas na imbestigasyon.
“I share this view [of the President]. Investigation must be anchored on facts and evidence not on rumor, innuendo, or hearsay. Only by focusing on the truth can we ensure both accountability and fairness,” anang House Speaker.
Wala rin daw kinakatigan ang Kamara sa kahit na sinuman at wala rin umano silang inililihis mula sa taumbayan.
“The house will not be a refuge for wrongdoing. Not even its own Members will be shielded if wrongdoing is proven. We will ensure that the process is fair, fact-based, and guided by the rule of law. Walang itinatago, walang poprotektahan at higit sa lahat—hindi ililihis sa interes ng taumbayan,” saad ni Romualdez.
Matatandaang iba’t ibang kongresista ang nakasama sa mga pangalang isiniwalat ni Curlee Discaya na umano’y nanghihingi ng kickback sa halaga ng kanilang kontrata sa gobyerno.
KAUGNAY NA BALITA: KILALANIN: Mga politiko at gov't officials na nanghingi umano ng 10-25% share sa proyekto ng mga Discaya
