Kinumpirma ng Department of Transportation (DOTr) na ipagpapaliban muna nila ang nakatakdang paglulunsad ng Student Beep Cards sa Lunes, Setyembre 15, 2025. 

Ayon sa DOTr, kinakailangan daw nilang mag-recalibrate ng system—dahilan upang makansela ang paglulunsad ng mga beep card na eksklusibo para sa mga estudyante.

“Kailangan lang po naming mag-recalibrate ng system based sa aming initial assessment, para masigurong walang magiging problema sa pag-aapply ng mga estudyante para sa kanilang white beep cards,” anang DOTr sa isang pahaag noong Biyernes, Setyembre 13.

Nananatili naman ang implementasyon ng diskwento para sa mga estudyante, senior citizens at person with disability (PWD) habang hindi pa nailalabas ang naturang student beep card.

Sen. Bato, masayang nakita ang apo

“In the meantime, the 50% train fare discount for students will continue using single journey tickets. Senior citizens and PWDs, meanwhile, may continue to use their existing white beep cards to avail of the 50% discount,” anang pahensya.

Humingi rin ng paumanhin ang ahensya sa publiko at iginiit na susubukan daw nilang maisaayos ang nasabing problema hanggang ngayong buwan ng Setyembre.

Anila, “We sincerely apologize for the inconvenience, and we assure everyone that we are working hard to resolve these system issues within the month.”