Inihayag ni Cavite 4th district Rep. Kiko Barzaga na alam daw niya ang maaaring maging kinahinatnan sa patuloy niyang pagbangga kay House Speaker Martin Romualdez.

Sa pamamagitan ng Facebook post nitong Biyernes, Setyembre 12, 2025, aminado siyang nilalabanan umano niya si Romualdez, kahit na pwede rin daw madamay ang kaniyang sarili at pamilya.

“I fought against Martin Romualdez knowing the consequences to myself and my family,” ani Barzaga.

Saad din ng nasabing post ang paglalarawan niya ng halimbawa raw ng pagiging isang sundalo.

National

Ogie Diaz, pinalagan sinabi ni Greco Belgica na hayaan mga 'tunay na lalaki' sa gobyerno

“A soldier does not go to war believing he will return home safely, he fights for his country no matter the cost,” anang GenZ na mambabatas.

Matatandaang noong Huwebes, Setyembre 11, nang kumpirmahin ni Barzaga na pinagsabihan na rin daw siya ng kaniyang inang si Dasmariñas City, Cavite Mayor Jenny Barzaga hinggil sa pagbangga sa House Speaker.

Aniya, “Naiintindihan ko ang sitwasyon ni Mayor Vico, sinabihan rin ako ni Mayor Jenny na wag kalabanin si Romualdez. But justice must be done.”

KAUGNAY NA BALITA: 'Congressmeow' aminadong pinagsabihan ng nanay niya: 'Wag kalabanin si Romualdez!'

Matatandaang nagpaulan nang magkakasunod na tirada si Kiko laban kay Romualdez matapos siyang magbitiw sa kanilang partido at umalis sa mayorya ng Kamara.

Paliwanag pa ni Barzaga, bunsod ng pagkalas niya sa sariling partido at pag-alis sa mayorya ng Kamara—mas mamarapatin na raw niyang suportahan na maimbestigahan si Romualdez, na minsan lang daw niyang sinuportahan bunsod na rin ng utos ng kaniyang partido.

KAUGNAY NA BALITA: Cavite solon na iniugnay sa pagpapatalsik kay Speaker Romualdez, kumalas sa majority bloc

"I supported Speaker Romualdez due to this, though now that I am free from my party’s constraints, I suggest that he must be investigated for any anomalies involving Flood Control Public Funds," aniya pa.

KAUGNAY NA BALITA: Rep. Barzaga, suportadong paimbestigahan si Romualdez sa isyu ng flood control projects