Kinuwestiyon ni Negros Occidental 3rd district Rep. Javier Miguel "Javi" Benitez ang pagtatalaga ng tagapagsalita para kay House Speaker Martin Romualdez.
Sa latest Facebook post ni Javi nitong Biyernes, Setyembre 12, inusisa niya kung bakit may Speaker umano ang House Speaker.
“Unang una po, bakit may Speaker ang Speaker ng House?” saad ni Javi.
Sumundot naman ng komento si Cavite 4th district Representative Kiko Barzaga, aniya, "A Speaker of the House who cannot speak for himself.”
Sen. Bato at iba pa, 'di sumipot sa bicam conference committee meeting para sa 2026 nat’l budget
Matatandaang itinalaga kamakailan si House quad-committee (quad-comm) chairman Robert Ace Barbers bilang tagapagsalita ni Romualdez.
Samantala, hindi naman naiwasang sumulpot ang mga tanong tungkol sa pagkakaiba ng trabaho ni Barbers sa trabaho ni Atty. Princess Abante, na tumatayo bilang House Spokesperson.
Kaya paglilinaw ni Barbers, siya raw ay tagapagsalita mismo ng House Speaker, habang si Abante raw ay spokesperson ng House of Representatives.
