Kinumpirma ng Bureau of Customs (BOC) na nasa kanila na ang kontrobersyal na 28 luxury cars ng mga Discaya.
Sa pamamagitan ng Facebook post sa kanilang opisyal na FB Page, nitong Huwebes, Setyembre 4, 2025 inihayag ng ahensya na kusa raw isinuko ng mga Discaya ang natitira pa nilang 16 na luxury cars.
"The Bureau of Customs (BOC) confirms that 28 luxury vehicles linked to the Discaya family are now under its custody," anang BOC.
Dagdag pa nito, "Today, September 4, the Discaya family surrendered 16 additional vehicles earlier secured through a court-ordered search at the St.Gerrad Construction General Contractor & Development Corp. compound in Pasig City."
Lalaki, arestado matapos masamsaman ng ₱13.6M halaga ng shabu, paraphernalia
Ayon pa sa BOC, kasalukuyan na raw pinoproseso ng kanilang ahensya ang sealing at documentation ng nasabing mga luxury cars na nakatakdang bantayan ng Customs personnel.
"The 16 vehicles are now undergoing processing by BOC for sealing and documentation and guarded by Customs personnel, pending verification of importation records and assessment of duties and taxes," saad ng BOC.
Makikipatulungan rin daw ang BOC sa Land Transportation Office (LTO) para sa mas masusing imbestigasyon.
"With the help of the Land Transportation Office, the BOC will continue its thorough investigation," anila.
Matatandaang noong kasagsagan ng pagdinig ng Senate Blue Ribbon Committee noong Lunes, Setyembre 1, nang aminin ni Discaya na nasa 28 ang kanilang luxury cars kung saan hindi bababa sa ₱5 milyon ang pinakamura sa mga ito habang tinatayang ₱42 milyon naman ang pinakamahal.
KAUGNAY NA BALITA: Sen. Risa, ibinalandra mga presyo ng luxury cars ng mga Discaya; pinakamahal, pumalo ng ₱42M!
Kasalukuyang nahaharap sa kontrobersiya ang mga Discaya bunsod ng pagkakaugnay ng kanilang construction firms sa mga proyekto ng gobyerno kung saan dalawa sa 9 nilang firms ay sangkot sa flood control projects.
