Nakipagpulong ang Department of Social Welfare and Development (DSWD) sa World Bank nitong Biyernes, Agosto 29, para sa paglulunsad ng mga proyektong makapagpapalawig sa Pantawid Pamilyang Pilipino Program (4Ps) at magbibigay tugon sa malnutrisyon sa bansa. 

Sa pangunguna ni DSWD Undersecretary Adonis Sulit ng Policy and Planning Group (PPG), ang mga paparating na proyekto ay ang Social Protection for Economic Inclusion, Empowerment, and Digital Innovation (SPEED) Project at Converging Nutrition Efforts for our Children’s Tomorrow (CONNECT) Project. 

Ang SPEED Project ay naglalayong nitong pagbutihin ang mga pang-ekonomiyang oportunidad para sa mga benepisyaryo ng 4Ps at mapalakas ang digital social protection systems ng programa. 

Ang CONNECT naman ay naglalayong magbigay-solusyon sa malnutrisyon sa mga bata sa pamamagitan ng multi-sectoral interventions sa mga programang health, nutrition, at social protection bilang pagbibigay prayoridad sa kapakanan ng mga bata. 

Politics

Walang basehan!' Solon, itinangging may parte sa 2026 nat'l budget ang impeachment para kay VP Sara

Ang nasabing pagpupulong ay dinaluhan nina DSWD Undersecretary Monina Josefina Romualdez ng Operations Group at Assistant Secretary for Planning Juan Carlo Marquez. 

Dumalo rin ang mga ehekutibo ng World Bank na sina Regional Practice Director for People for the East and Pacific, Dr. Alberto Rodriguez; Practice Manager, Social Protection and Jobs for the East Asia Pacific Region Camilla Holmemo; Senior Economist, Emma Monsalve; Senior Social Protection Specialist, Ruth Rodriguez; Health Specialist, Anna Melissa Guerrero; at Senior Operations Officer, Lilanie Magdamon - Matim. 

Sean Antonio/BALITA