Matapos ang pagsibak kay Police Major General Nicolas Torre III, kinumpirma ng Department of Interior and Local Government (DILG) si Police Lieutenant General Jose Melencio Nartatez Jr. bilang bagong Philippine National Police (PNP) Chief nitong Martes, Agosto 26.
Sa memorandum ni Executive Secretary Lucas P. Bersamin noong Lunes, Agosto 25, isinaad dito ang immediate relief ni Torre sa pagka-hepe matapos ang 3 buwang serbisyo nito sa puwesto.
"You are hereby relieved as Chief, PNP effective immediately."
"For the continuous and efficient delivery of public services in the PNP, you are hereby directed to ensure proper turnover of all matters, documents and information relative to your office,” saad sa nasabing memorandum.
#BalitaExclusives: Anak na nilibre mga magulang niya sa abroad, hinangaan ng netizens
Martes, Agosto 26 naman, habang wala pang kasalukuyang opisyal na kumpirmasyon mula kay PBBM, ayon sa mga ulat, kinumpirma ni DILG Secretary Juanito Victor “Jonvic” Remulla ang pagpapalit ni Police Lieutenant General Jose Melencio Nartatez Jr. bilang bagong PNP Chief.
Sino si Police Lieutenant General Jose Melencio Nartatez Jr.?
Mula sa Philippine Military Academy (PMA) Tanglaw-Diwa Class of 1992, si Nartatez , ay ipinanganak sa Santa, Ilocos Sur.
Ilan sa kaniyang mga naging serbisyo sa PNP ay ang pagiging parte ng PNP Special Action Force (SAF) sa mga lugar ng Quezon, Laguna, Basilan, Sultan Kudarat, Tawi-Tawi, at Negros Island, kung saan, pinangunahan niya ang 3rd Special Action Battalion sa Basilan noong 1993.
Taong 2017, nanilbihan siya bilang Director of the Ilocos Norte Police Provincial Office (PPO), kung saan naglunsad ito ng ilang proyektong imprastraktura.
Naging Finance Service Director din si Nartatez, kung saan nag-implema siya ng six-point modernization plan sa kasagsagan ng COVID-19 pandemic, dito ay umani siya ng International Organization for Standardization (ISO) certification at nakilala rin bilang “Best NASU Streamer,” noong 2022.
Taong 2023, naluklok siya bilang Chief of the National Capital Region Police Office (NCRPO), kung saan kaniyang pinagyabong ang mga iba’t ibang infrastructure investments, personnel training, at mataas na crime control performance.
Oktubre ng 2024, na-promote siya bilang PNP Deputy Chief for Administration, na pangalawa sa pinakamataas na posisyon sa organisasyon.
Sean Antonio/BALITA
