Maging ang veteran broadcast journalist na si Christian Esguerra ay tinatangka ring bayarin ng ilang politiko upang maitampok sa platform niyang “Fact First.”
Sa latest episode ng “KC After Hours” nitong Sabado, Agosto 22, inamin ni Christian na may mga nagpaparamdam umano sa kaniya.
Ito ay matapos siyang usisain ng kapuwa niya mamamahayag na si Karmina Constantino kung nasubukan na ba siyang bayaran.
“May mga nag-a-attempt,” sabi ni Christian. “Ngayon kasi na independent na ako, may mga nagpaparamdam before. Kunwari ‘Puwede mo ba akong i-feature?’”
‘Traffic Advisory’ sa Translacion 2026, inilatag na para sa mga deboto at motorista
Dagdag pa niya, “Nakakatulong kasi very vocal ako sa podcast. Kasi ginagawa ko na rin ‘to no’ng ANC. [...] Sa podcast openly, dini-discuss ko ‘yong media corruption.
Ayon kay Esguerra, tinatalakay niya umano ang media corruption sa podcast niya bilang bahagi na rin ng kaniyang proteksyon.
“Kasi everything is recorded, e. Lumabas na ‘yan sa social media,” paliwanag niya. “If you hear something na mayro’n akong tinanggap in the future, i-juxtapose n’yo ‘to. Sabihin n’yo, ‘hipokrito ka, Esguerra!’”
“Sabi ko, that’s my protection also if and when, somehow I get tempted,” dugtong pa ng veteran broadcast journalist.
Matatandaang si Esguerra ay dating host sa programang “After The Fact” ng ANC na ang huling episode ay huling umere noong Marso 2022.
MAKI-BALITA: Show ni Christian Esguerra sa ANC, sinibak nga ba dahil sa politika?
