Nagbigay ng pahayag ang Korina Interviews at Rated Korina sa pahayag ni Pasig City Mayor Vico Sotto na patungkol sa mga journalist na tumanggap umano ng kaukulang halaga para kapanayamin ang mag-asawang Sarah at Curlee Discaya.
Matatandaang si Sarah ay nakatunggali ni Vico sa pagkamayor sa nakalipas na 2025 midterm elections.
MAKI-BALITA: Vico Sotto, sinita mga journalist na umano'y tumatanggap ng bayad sa interview
Kaya naman pinabulaanan ng programa ni Korina ang bahagi ng pahayag ni Vico kaugnay sa ₱10M na tinanggap umano ng ilang mamamahayag.
PBBM, ibinida bagong Banago Port sa Bacolod City!
“Yes, Mayor Sotto, there are payments for certain businesses such as that of the Discayas, products, personalities, companies or politicians much like payments made for advertisements — and these go to the network with an official receipt issued to the client,” saad ng programa sa isang pahayagan.
Dagdag pa nila, “There is no such thing as a P10 million placement for an interview. It is irresponsible to even say such, to say the least. As your malice is posted on Facebook and publicly besmirches the reputation of Ms. Sanchez, this clearly constitutes cyber libel.”
Anila pa, maituturong umanong “slanderous” na sabihing iresponsable ang programa dahil ang ineere lang umano nito ay ang mga bayad na interbyu.
“Who are we to presume our interviewees as evil with no basis or evidence long before they come into controversy? Are we also to presume you are guilty of overpricing the construction of government buildings just because your opponent thinks so? Are we to automatically deduce you are grandstanding at the expense of others because this is your last term and are planning to run for higher office?” dugtong pa nila.
Samantala, inaasahan magbibigay din ng hiwalay na pahayag ang batikang news anchor at host ng programa na si Korina Sanchez-Roxas hinggil sa nasabing isyu.
