Bukod sa mga estudyante, senior citizens, at PWDs, dapat daw mayroon ding 50% discount sa pamasahe sa MRT-3, LRT-1, at LRT-2 ang minimum wage earners ayon sa Trade Union Congress of the Philippines (TUCP).
Nanagawan ang TUCP nitong Lunes, Agosto 18 kay Department of Transportation (DOTr) Secretary Vince Dizon na dapat isama rin ang mga minimum wage earner sa 50% discount sa pamasahe sa mga tren.
“As we continue to relentlessly press both the Senate and the House of Representatives to urgently act on the pending legislated wage hike measures: dapat gumawa tayo ng paraan upang ngayon pa lamang ay makaramdam na ng ginhawa ang ating mga manggagawa. Mr. Secretary, there are over a million minimum wage earners in Metro Manila alone and this is the least we can do to help alleviate their struggle in making ends meet,” saad ni TUCP Party-list and House of Representatives Deputy Speaker Raymond Democrito C. Mendoza.
Giit pa ng TUCP, mas makakatipid umano ng mga minimum wage earner kung makakasama ang mga ito sa 50% discount.
Leviste, pinuna pagtaas sa ₱18.58B ng MOOE ng Kamara sa 2026 nat'l budget
Ginawa nilang halimbawa ang fare matrix ng Light Rail Transit Authority (LRTA) kung saan ang pamasahe mula Antipolo station hanggang Recto station ay ₱35 at ₱70 kung balikan.
Lumalabas na ₱1,680 raw kada buwan (anim na araw na trabaho) ang gastos sa pamasahe.
“With a 50% discount, minimum wage earners can save as much as ₱840 a month or an extra ₱35 take-home pay every day. Bawat pisong natitipid sa pamasahe siguradong diretso yan sa hapag ng pamilya para sa mas masarap at mas malusog na pagkain para sa pamilya,” paliwanag ni Mendoza.
Giit pa niya, "But why are minimum wage earners left out? Kaya pa nating isama ang ating mga manggagawang Pilipino. Indeed, Mr. Secretary, the last thing we want is for our workers to fall in long lines all the time just to avail of the discount."
"Sobra na nga ang sakripisyo nila sa trabaho—huwag na nating dagdagan ng paghihirap sa pila. It should be simple: workers can present a certificate of employment, which states their salary, and be given special Beep cards for hassle-free rides to and from work."
Kaugnay na Balita: ALAMIN: Paano makakakuha ng personalised beep card ang mga estudyante?
