‘Wala sa legal team!’ Atty. Kaufman, sinupalpal panghihimasok ni Roque sa kaso ni FPRRD-Balita

‘Wala sa legal team!’ Atty. Kaufman, sinupalpal panghihimasok ni Roque sa kaso ni FPRRD

Nagsalita ang lead counsel ni dating Pangulong Rodrigo Duterte na si Atty. Nicholas Kaufman hinggil sa umano’y pagkilos nang mag-isa ni dating Presidential Spokesperson Harry Roque tungkol sa kaso ng dating Pangulo.

Sa isang written interview na isinapubliko ng kilalang vlogger sa kaniyang Facebook page na Alvin and Tourism at malapit na tagasuporta ng mga Duterte sa The Hague, noong Hulyo 29, 2025, kabilang doon ang naging pahayag umano ni Kaufman laban kay Rouqe.

Ayon kay Kaufman, isang Dutch lawyer ang nagkumpirma hinggil sa umano’y inisyatibo ni Roque na kasuhan daw ang Dutch government dahil sa pagkakakulong ni dating Pangulong Duterte.

“Dutch lawyer has confirmed to me that Harry Roque approached him with an initiative to sue the Dutch Government for facilitating the rendition of the former President,” ani Kaufman.

Bunsod nito, tinawag ni Kaufman na “crazy scheme” ang naturang plano raw ni Roque na makakagulo lang daw sa kaso ng dating Pangulo.

“In my opinion, this was a crazy scheme because the release of the former President would require the cooperation of the Dutch Government,” anang lead counsel.

Dagdag pa niya, “Something unlikely to be forthcoming if they are being sued by the person concerned.”

Saad pa ni Kaufman, patuloy daw ang pangungulit ni Roque sa nasabing Dutch lawyer hinggil sa nasabi niyang plano.

“I was also told that once the Dutch lawyer learned that Harry Roque was a fugitive from justice, he severed all contact with him,” saad ni Kaufman.

Giit pa niya, “But Harry Roque is persistent to the point of obsessive and with this plan, he could very well have jeopardized the Defence’s efforts to release the former President.”

Matatandaang minsan na ring sinabi ni Roque sa kaniyang Facebook live ang pagkonsidera niyang bumalik ng Pilipinas dahil hindi raw pinakikinggan ang kaniyang mga suhestiyon para sa kaso ni dating Pangulong Duterte.

Sa Setyembre 23 nakatakdang humarap sa confirmation of charges hearing si dating Pangulong Duterte matapos siyang maaaresto noong Marso dahil sa reklamong crimes against humanity kaugnay ng kaniyang naging madugong kampanya kontra droga.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Sen. Bato, masayang nakita ang apo

Masaya si Senador Ronald “Bato” Dela Rosa na makita ang minamahal niyang apo. Sa latest Facebook post ni Dela Rosa nitong Biyernes, Disyembre 12, flinex niya ang kaniyang larawan habang karga ang sanggol.“Happy to see you my apo” saad sa caption.Ito ay sa kabila ng umuugong na balitang may naghihintay na arrest warrant laban sa kaniya mula sa International Criminal Court (ICC) dahil sa...

DSWD Sec. Gatchalian, may alok na ₱100K pabuya sa makakapagturo ng salarin sa asong pinutulan ng dila

Nag-anunsyo ng ₱100,000 pabuya ang dating alkalde at kongresista ng Valenzuela City na si Department of Social Welfare and Development (DSWD) Sec. Rex Gatchalian para sa sinumang makapagbibigay ng impormasyon hinggil sa malupit na pag-abuso sa asong si Kobe sa Brgy. Balangkas, Valenzuela City.Ayon sa Philippine Animal Welfare Society (PAWS), personal silang lumapit upang humingi ng tulong...

Para tumaas populasyon: China, lalagyan ng VAT mga condoms, contraceptive pills

Nakatakdang simulan ng China ang pangongolekta ng value-added tax (VAT) sa contraceptive drugs at products sa unang pagkakataon matapos ang mahigit tatlong dekada.Bahagi ito ng hakbang ng pamahalaan na hikayatin ang mga pamilya na magkaroon ng mas maraming anak matapos ang mahabang panahon ng mahigpit na population control.Batay sa bagong batas ng naturang bansa sa value-added tax, ang mga...

‘Wala sa legal team!’ Atty. Kaufman, sinupalpal panghihimasok ni Roque sa kaso ni FPRRD

‘Wala sa legal team!’ Atty. Kaufman, sinupalpal panghihimasok ni Roque sa kaso ni FPRRD

Inirerekomendang balita

Sen. Bato, masayang nakita ang apo

DSWD Sec. Gatchalian, may alok na ₱100K pabuya sa makakapagturo ng salarin sa asong pinutulan ng dila

Para tumaas populasyon: China, lalagyan ng VAT mga condoms, contraceptive pills

Features

Opinyon