Nagpahayag ng pagkadismaya si Sen. Kiko Pangilinan sa naging desisyon ng Supreme Court (SC) sa articles of impeachment ni Vice President Sara Duterte.

Sa kaniyang Facebook post noong Biyernes, Hulyo 25, 2025, iginiit niyang tila kinapon daw ng SC ang tungkulin ng Senado at Kamara sa pagdedeklara nitong “unconstitutional” ang articles of impeachment ni VP Sara.

“With all due respect and forgive my language pero ‘kinapon’ ng Korte Suprema ang HoR at Senado sa usapin ng mandato at exclusibong kapangyarihan nito sa Impeachment proceedings,” ani Pangilinan. 

Matatandaang noong Huwebes nang lumabas ang naturang desisyon ng SC kung saan iginigiit din nito na walang hurisdiksyon ang Senado sa impeachment proceedings at sa Pebrero 2026 pa muling maaaring mag-file ng impeachment cases laban sa Bise Presidente.

Sen. Bato, masayang nakita ang apo

“The SC has ruled that the House impeachment complaint versus VP Sara Duterte is barred by the one-year rule and that due process or fairness applies in all stages of the impeachment process,” saad ng SC.

KAUGNAY NA BALITA: VP Sara, ‘di pa rin lusot sa mga kaso kahit ‘unconstitutional’ ang articles of impeachment—SC

Dagdag pa ni Pangilinan sa nasabing Fb post, “Co equal branch ang HoR at Senado sa Korte Suprema. Hindi ito tama.”