Nais paimbestigahan ni Bicol aro Party-list Representative Terry Ridon ang Department of Environment and Natural Resources (DENR) at ang proyektong dolomite beach kaugnay ng malawakang pagbaha sa Metro Manila.
Sa isang resolusyong inihain ni Ridon kamakailan, iginiit niyang kailangan daw malinaw kung dapat talagang naikasa ang nasabing proyekto.
“They have to make a determination today kung talaga bang dapat ginawa itong proyektong ito noon. Pangalawa yung cost nito, at pangatlo yung actual na impact nito sa pagbabaha sa Metro Manila,” ani Ridon.
Dagdag pa niya, “Ang sinasabi roon, very specific, improve the water quality of Manila Bay. Ang tanong na in sa DENR ngayon, yun bang paglalatag ng dolomite beach dito sa Manila Bay, meron ba yang ambag sa improvement ng water quality.”
'Nandito si Mama, naghihintay sa 'yo!' Nanay ng nawawalang bride-to-be, nanawagang maibalik nang maayos ang anak
Ang dolomite project ay binuo sa ilalim ng adminitasyon ni dating Pangulong Rodrigo Duterte na nagkakahalaga ng tinatayang ₱389 milyon na naglalayong malinis, maisaayos at ma-preserve ang Manila Bay.
Samantala, matatandaang nasisi ang dolomite project matapos igiit ni Metropolitan Manila Development Authority (MMDA) chairman Romando Artes na nakaapekto sa drainage system ang nasabing proyekto.
“The drainage system is actually just part of the dolomite beach project… The three outfalls were blocked so that the water could pass through [a] sewerage treatment plant before getting discharged to the dolomite beach project,” ani Artes.
Sa hiwalay na pahayag ng DENR, dumipensa sila sa akusasyon sa nasabing proyekto.
“This noticeable shift in weather patterns has exacerbated the challenges faced by urban areas like Metro Manila, where heavy rainfall can overwhelm drainage systems and lead to significant flooding,” anang ahensya.
