Nagbigay ng pahayag ang Polytechnic University of the Philippines (PUP) kaugnay sa pag-veto ni Pangulong Ferdinand “Bongbong” Marcos, Jr. sa NPU Bill na aamyenda sa dating charter ng pamantasan at kikilalaning “National Polytechnic University.”
Matatandaang nauna nang vineto ni dating Pangulong Rodrigo Duterte ang NPU Bill noong Setyembre 2019.
Sa latest Facebook post ng PUP nitong Biyernes, Hulyo 11, sinabi nila na ang pagbasura umano ng pangulo sa nasabing batas ay nangangahulugang pagtanggi sa pagpapalawak ng akses sa de-kalidad, pantay, at makabuluhang edukasyon.
“This decision is not merely a legislative setback-it is a rejection of the urgent call to expand access to quality, inclusive, and relevant public higher education,” saad ng PUP.
DPWH sa Senado: 'Restore the deducted amounts from the projects in the 2026'
Dagdag pa nila, “It threatens the future of our University, our campuses, and the communities we serve. Several PUP campuses now face imminent closure due to the lack of national government funding-support that would have been secured through this landmark legislation.”
Bukod dito, nilinaw din ng pamantasan na ang nasabing panukalang batas ay hindi kailanman naging tungkol sa prestige o titulo.
Anila, “It was a clear and comprehensive response to the structural challenges that have long constrained our growth. It should have served as a declaration of public commitment to quality education.”
“Instead, the veto message appeared to downplay our achievements and dismiss the significance of our 120-year legacy,” dugtong pa ng pamantasan.
Gayunman, ayon sa kanila, gaya ng lagi ay magpapatuloy umanong magtiis ang PUP.
"Now more than ever, we remain resolute—for every learner, every campus, and the future of public polytechnic education. Lagi't lagi, mula sa 'yo, para sa Bayan,” anang pamantasan.
